افغانستان بویلب اون مینگ‌لرچه قیز اوقووچی نینگ مکتب گه باره‌آلمه‌یشلریدن ۴۰۰ کون بولگن که ، شونده‌ی بیر وضعیت‌ده قیز اوقووچیلر کون اوتیشی بیلن ناامید و افسرده بوله‌دیلر.
آلتینچی صنف‌دن یوقاری قیزلر یوزیگه مکتب‌لر نینگ یاپیق قالگنی دوامی‌ده کیله‌جگی خصوصیده ناامید بولگن شریفه، کابل نینگ مکتب‌لریدن بیری‌ده اون‌بیرینچی صنف اوقووچیسی دیر.
او، ۴۰۰ کون‌دن بیری مکتب‌لر نینگ آچیلیشی نی کوتیب تورگن، لیکن حاضرگچه حکومت تامانیدن هیچ بیر قناعت‌لی دلیل ارائه بولمه‌گن.
بیزلرنینگ فیسبوک صحیفه‌میزگه باش اورینگ!
۱۰-صنف اوقووچیلریدن باشقه بیری شکریه نینگ ایتیشیچه، قیزلر یوزیگه مکتب‌لر نینگ یاپیق قالگنی بیلن کیله‌جگی خصوصیده‌گی برچه آرزو آرمانی اورته‌دن کیتگن دیر.
نهاد‌لر و خلق‌ارا شخصیت‌لر مکتب‌لر نینگ یاپیق قالگنی خصوصیده یالغیز خواطر بیلدیریب و اولر نینگ خواطرلری مکتب‌لر نینگ آچیلیشی اوچون هیچ فایده ییتیشتیرمه‌گنی پیتده اوشبو بیانات مطرح بولگن.
انسان حقوقی نی کوزه‌تووچی نهاد نینگ عیاللر بولیمی مدیری اورین باسری هیدربار، سلام‌وطندار بیلن اوتکزگن صحبتی‌ده قیزلر یوزی گه مکتب‌لر نینگ یاپیق قالگنی عواقبی خصوصیده خواطر بیلدیریب، بو توغریده دنیا جماعه نینگ ایش‌لریدن انتقاد قیلگن.
اونینگ ایتیشیچه: «خواطرلنتیرووچی سوال‌لردن بیری دیر که، نیگه دنیا جماعه‌سی نیگه بو قیین‌چیلیک نینگ جوابی نی اولویت گه قویمه‌گن. قنده‌ی ممکن که ۲۰۲۲-ییل‌ده بو رقم بیر ایش صورت تاپسین و دنیا اونینگ توغریسیده باشقه هیچ بیر ایش قیلمه‌ی یالغیز بیانیه صادر قیلیب خواطر بیلدیرسین.»
بیزلرنینگ توییترده هم تعقیب قیلینگ!
اسلامی امارت نینگ قدرت گه ایریشگنیدن کیین، اوشبو حکومت نینگ ایچکی سیاست‌لریدن کوپینچه‌سی عیاللر و قیزلر گه قره‌تیلگن.
سرپرست حکومت نینگ اینگ اونملی چیکلاو‌لریدن بیری آلتینچی صنف‌دن یوقاری قیز مکتب‌لر نینگ یاپیق قالیشی دیر که حاضرگچه اوشبو چیکلاو نینگ دوام تاپگنی مینگ‌لرچه قیز نینگ کیله‌جگی نی نابیللی بیر وضعیت‌ده قرار بیرگن.
ایتیش کیره‌ک که، اسلامی امارت دایم بیر طرح اوستیگه ایشله‌یشیدن خبر بیرگن که اونینگ اساسیده، آلتینچی صنف‌دن یوقاری قیز مکتب‌لر آچیلیشی ممکن، بیراق حاضرگچه بو طرح نینگ قنده‌یلیگی خصوصیده جزئیات بیرمه‌گنلر.