قیزیل خاچ نینگ آگاه‌لنتیریشیچه، یاردم بیرووچی گروه‌لر افغانستانده بولگن انسانی بحران‌گه توسیق بوله آلمه‌یدی. اوشبو نهاد، خلق ارا جماعه دن طالبان گه یاردم بیریشی‌نی سوره‌گن. قیزیل خاچ باش مدیری رابرت ماردینی نینگ ایتیشیچه، افغانستان طالبان حاکمیتی‌گه اوتگنیدن سونگ، اوشبو نهاد باشقه یاردم بیرووچی نهادلر چیککه‌سیده سعی و حرکت‌لرینی کوپه‌یتیرگن.
قیزیل خاچ باش مدیری نینگ رویترز کونده‌لیگی گه ایتیشیچه، دستلبکی خذمت ارایه قیلیش اوچون خلق ارا جماعه نینگ طالبان دن حمایت قیلیشی اونملی دیر. رابرت ماردینی نینگ کوپه‌یتیریشیچه، انسان دوست‌لیک تشکیلات‌لر موقتی حل یول ارایه قیله آله‌دی، لیکن افغانستان قیین‌چیلیگی نیچه بولیمده و کوپه‌یماقده دیر.
بوندن آلدین بیرلشگن ملت‌لر تشکیلاتی نینگ کینگی‌تیریش برنامه‌سی «افغانستان اوچون خاص اعتماد صندوقی» ایجاد قیلگن ایدی و اونینگ مقصدی اهالی اقتصادینی کوچلی قیلیش و نقده پول گردشی ایدی. قیزیل خاچ باش مدیری نینگ ایتیشیچه، اوشبو ریجه ۳ آی‌لیک قیین‌چیلیک نی حل قیله آله‌دی.
اونینگ کوپه‌یتیریشیچه، افغانستان نینگ ۳۹ میلیون جمعیتیدن ۳۰% توییب آوقات‌لنمه‌یدی و ۱۸ میلیون کیشی نی انسان دوست‌لیک یاردم‌لرگه نیازی بار.
قیزیل خاچ باش مدیری نینگ ایتیشیچه، انسان دوست‌لیک تشکیلات‌لر بیر مملکت نینگ اقتصادی‌گه جای‌گزین بولمی و سقوط گه توسیق بوله آلمه‌یدی.