۶۲ یاشیده بولگن غلام‌علی اصغری، عایله‌سی بیلن بامیان مرکزی نینگ فولادی قیشلاغی تیریک‌چیلیک قیله‌دی.
غلام‌علی نینگ ایتیشیچه، عصمت‌الله نام‌لی اوغلی کمیده ۵ ییل ملی اردو قطاریده خذمت قیلگن. اوشبو آق‌سقال فرزندی نینگ رشادت و باتورلیگی دن حکایت قیله‌دی، لیکن حکومت مسووللری نینگ دقت‌سیزلیگی دن تنقید قیله‌دی.
غلام‌علی نینگ کوپه‌یتیریشیچه، عصمت‌الله ۶ آلدین هلمند ولایتی نینگ سنگین تومنیده هلاک ایتیلگن. اونینگ ایتیشیچه، باله‌سی هلاک ایتیلگنیدن سونگ، ملی اردو کوچلری اونینگ جان‌سیز جسدینی شهید ملی بیرلیک هوا قونالغه‌سیگه انتقال بیرگن و باله‌سی نینگ هلاک ایتیلگنیدن خبر بولگنیدن سونگ، جسدینی فولادی قیشلاغی‌گه انتقال بیریش اوچون بیر تکسی کرایه قیلیب بامیان هوا قونالغه‌سیگه بارگن.
غلام‌علی نینگ کوپه‌یتیریشیچه، شهید نینگ اکرامیه‌سی اونینگ توپراققه قویش کونی تاپشیریلمه‌گن، بلکیم توپراققه قوییلگنیدن ایکی آی اوتگنیدن سونگ، کوپینچه سرگردان‌چیلیک بیلن شهید اوغلی نینگ اکرامیه پولی‌نی قولگه کیلتیرگن. اونینگ ایتیشیچه، عصمت‌الله دن بیر باله و تورموش اورتاغی قالگن و حاضرگه‌قدر مسوول‌لردن هیچ‌بیری اونینگ احوالی‌نی سورمه‌گن.
عصمت‌الله نینگ تورموش اورتاغی راضیه نینگ سلام‌وطندارگه ایتیشیچه، تورموش اورتاغی نینگ هلاک ایتیلگنیدن ۶ آی اوتگن، لیکن حاضرگه‌قدر هیچ‌قنده‌ی یاردم قولگه کیلتیرمه‌گن و حتا تورموش اورتاغی نینگ حقوقی اجرا ایتیلمه‌یدی.
راضیه نینگ کم‌بغللیگی خصوصیده ایتیشیچه، کرایی اویگه تیریک‌چیلیک قیله‌دی و عصمت‌الله آدرسی دن ۶۰۰ مینگ افغانی قرضدار دیر. اونینگ ایتیشیچه، قرضدارلیک نی توللش و باله‌سی نینگ نیازلرینی برآورده قیلیش زور دیر.
بامیان ده ملی اردو هماهنگ‌لیک زونی قومندانی عبدالله بیگ نینگ ایتیشیچه، بامیان ده هلاک ایتیلگن عسکرلرنی انتقال بیریش اوچون آمبولانس یوق دیر، لیکن اوروش‌گه شهید ایتیلگن عسکرلرنینگ حقوقی زمانی‌گه بیریله‌دی و بوتوغریده هیچ‌قنده‌ی قیین‌چیلیک یوق دیر.