رقابت‌های جام فوتسال مرکز آسیا؛ افغانستان در برابر ایران مغلوب شد

تیم ملی فوتسال افغانستان، در سومین بازی خود در رقابت‌‌های جام فوتسال مرکز آسیا (کافا)، با نتیجه‌ی ۵ بر ۱، از ایران شکست خورد.

این بازی، امروز (چهارشنبه، ۴ اسد)، در شهر دوشنبه، پایتخت تاجیکستان، برگزار شد.

پیش از این، تیم ملی فوتسال افغانستان، با پیروزی در برابر تیم‌های فوتسال قرقیزستان و اوزبیکستان، در صدر جدول رده‌بندی این رقابت‌ها قرار گرفته بود.

سلام‌وطندار را در تویتر دنبال کنید

رقابت‌های جام فوتسال مرکز آسیا، با میزبانی تاجیکستان و اشتراک تیم‌های ملی فوتسال افغانستان، ایران، اوزبیکستان، ترکمنستان و قرقیزستان، در حال برگزاری است.