امریکا نماینده‌لر کینگشی نینگ خارجی مناسبت‌لر کمیته‌سی ۱۱-دلو، چهارشنبه کونی بو مملکت سابق حربی کوچلری نینگ حضوری بیلن «اسلام امیرلیگی افغانستان ده امریکا حربی کوچلری نینگ سابق همکارلری دن قصاص آلیشنی تیکشیریش» عنوانی ده ییغیلیش اوتکزدی.
اوشبو ییغیلیش ده امریکا دینگیز کوچلری نینگ سابق اعضاسی الیزابت لن، همکارلری نینگ اولدیریش، قییناق‌لش و قولگه آلیش بوییچه ۸۰۰ دن آرتیق واقعه ثبت بولگنینی ادعا قیلگن. «متحدلریمیز بیز بیلن همکارلیک بهاسینی جان‌لری بیلن توله‌ماقده و افغانستان ده همکارلریمیز نینگ اولیمی، قییناق‌لنیشی و قولگه آلینیشی بوییچه ۸۰۰ واقعه ثبت ایتیلگن.»
بیزلرنینگ فیسبوک صحیفه‌میزگه باش اورینگ!
مذکور ییغیلیش ده امریکا اردوسی نینگ سابق بیر قوماندانی مایکل سیزمار، سابق حکومت حربی‌لری نینگ خوفسیزلیک وضعیتیدن خواطر بیلدیریب ایتیشیچه، ایش‌سیزلیک و آچلیک اولر نینگ جانینی خوف بیلن روپه‌ره قیلگن. «خوفسیزلیک تهدیدلر گه قوشیمچه، ایش‌سیزلیک و آچلیک سابق حکومت حربی کوچلری نینگ حیاتینی جدی خوف بیلن روپه‌ره قیلگن.»
عین‌حالده، اسلام امیرلیگی سوزلاوچیسی ذبیح‌الله مجاهد اسلام امیرلیگی تامانیدن سابق حکومت حربی‌لری دن قصاص آلینیش ادعالرنی رد قیلیب ایتیشیچه، اسلام امیرلیگی سابق حکومت برچه حربی کوچلرینی کیچیرگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «اولر خواطرده بولمه‌سینلر و امریکا بیلن همکار بولگنلر نینگ هیچ بیری تهدید بیلن روپه‌ره ایمس بو ادعالر یالغان یا که یالغان معلومات بیریلگن.»
ایتیش کیره‌ک، بوندن آلدین افغانستان ده بیرلشگن ملتلر تشکیلاتی نینگ اورین باسرلیک هیئتی (یوناما)، سونگی ایکی ییل جریانیده‌گی گزارشینی ترقه‌تیش بیلن، افغانستان ده سابق حکومت حربی‌لری نینگ اولدیریلیشیدن خواطر بیلدیرگن ایدی.