بلخ ولایتی مرکزی مزارشریف شهری ده ایران قنسول‌گرلیک مسئوللری، ایران‌لیک بیر هوا یولی بلخ-تهران آره‌سیده اوچیش‌لرینی باشله‌گنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
مزارشریف ده ایران قنسول‌گرلیگی بیر بیانیه ترقه‌تیب، اوشبو مملکت گه عاید «یزد ایر» هوا یولی ۳۰-جدی، شنبه کونی، رسمی روشده مزارشریف-تهران آره‌سیده اوچیش‌لرینی باشله‌گنینی تصدیقله‌گن.
اوشبو بیانیه اساسیده، مذکور هوا یول شرکتی فعال هوا یول شرکت‌لری یانیده، هفته ده بیر کون مزارشریف دن تهران گه اوچیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
مسئوللر گه کوره، ایکی مملکت نینگ هوا یوللری کینگه‌یشی و یولاوچیلر گه قولی‌لیک یره‌تیش اوچون، یزد ایر هوا یولی مزارشریف-تهران آره‌سیده اوچیش‌لرینی باشله‌گن.
ایتیش کیره‌ک، ایران‌لیک ماهان، تابان و کیش‌ایر هوا یول شرکت‌لری افغانستان گه اوچیش‌لرینی قیته باشله‌گن بیرحالده، یزد ایر هوا یولی هم اوچیش‌لرینی قیته باشله‌گن.
