خلق‌ارا مهاجرلر تشکیلاتی نینگ اعلامیه‌سی اساسیده، افغانستان ده‌گی ۶۵ فایز کیچیک و اورته شرکت‌لر اقتصادی بحران باعث، ایشلاوچیلرینی ایش‌دن بوشه‌تگن.
عین‌حالده کابل یشاوچیلریدن قطاری نینگ ایتیشلریچه، اسلامی امارت حاکمیت‌نی قولگه آلیشیدن کیین اولکه بویلب قشاق‌لیک و بیکارچیلیک رقمی آشگن. کابل یشاوچیلریدن بولمیش توریالی رضوانی نینگ سلام‌وطندار گه ایتیشیچه، جمهوریت تیزیمی قوللشیدن آلدین خصوصی شرکت‌لردن بیری ده ایشلر ایدی، بیراق حاضر وظیفه‌دن بوشه‌گن.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری نجیب‌الله گه کوره، ایچکی و تشقی سرمایه‌لرنی جذب قیلیش و مملکت ایچیده سرمایه یاتقیزیش گه زمینه یره‌تیش دولت‌لر نینگ اساسی مسئولیت‌لریدن دیر، بیراق اونینگ ایتیشیچه، اسلامی امارت اهالی نینگ اساسی نیازمندلیکلرینی تأمینلش اورنیده باشقه ایشلر بیلن مصروف.
اقتصادی ایش بیلرمان‌لردن قطاری، خلق‌ارا مهاجرلر تشکیلاتی نینگ گزارشی گه اشاره قیلیب، مملکت بویلب ایش‌سیزلیک و قشاق‌لر رقمی کوپه‌یشیدن خواطر بیلدیره‌دیلر. اقتصادی ایش بیلرمان ذکریا حیدری نینگ ایتیشیچه: «اکثر خصوصی شرکت‌لر ۶۵ فایز دن آرتیق ایشلاوچیلرینی ایش دن بوشه‌تگن که سلبی تاثیر قیله‌دی. بو احوال فاجعه‌لی دیر و ایریم قیینچیلیک‌لر گه سبب بوله‌دی.»
شو بیلن بیرگه ایش و اجتماعی ایشلر وزیرلیگی مسئوللری نینگ ایتیشلریچه، قشاق‌لیک و بیکارچیلیک سابق نظام دن اسلامی امارت گه میراث قالگن. ایش و اجتماعی ایشلر وزیرلیگی نینگ معینی مخدوم عبدالسلام سعادت، وظیفه‌لرینی قولدن بیرگن‌لر باره‌سیده ایتیشیچه، اوتمیش تیزیم ده قطار اداره‌لرده تشکیلاتی تورم موجود ایدی، بیراق اسلامی امارت ایش‌نی ایش ایگه‌سیگه تاپشیریش و کوپ ایشلاوچیلر آلدینی آلیش اوچون، بیرقطار اداره‌لر نینگ تشکیلاتینی کمه‌یتیرگن.
بیزلرنینگ توییترده هم تعقیب قیلینگ!
ایش و اجتماعی ایشلر وزیرلیگی نینگ معینی گه کوره، اولکه یشاوچیلری گه ایش فرصت‌لری یره‌تیلیب و بیکارچیلیک معما گه چیک قوییله‌دی.
جمهوریت تیزیمی قوللشی و اسلامی امارت حاکم بولیشیدن کیین، افغانستان بویلب قشاق‌لیک و ایش‌سیزلیک رقمی آشگن. بیرلشگن ملت‌لر تشکیلاتی نینگ گزارشی اساسیده، افغانستان ۹۵ فایز اهالیسی نینگ ییترلی ییگولیک ماده‌لری یوق.