افغانستان ده قیش موسومیده انسانی بحران کوچه‌یشیدن خواطرلر ینگره‌ماقده ایکن، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، قیش موسومیده ۱۱۱ مینگ محتاج عایله گه نقد یاردم کورسه‌تیلیشیدن خبر بیرگن.
یونیسف اوتگن کون –دوشنبه، ۳۰ عقرب، اوز توییتری ده یازیشیچه، حاضر افغانستان ده میلیون‌لرچه کیشی، دستلبکی احتیاج‌لرینی تأمینلش گه قادر ایمس، کیلگوسی قیش موسومی ده بو وضعیت کوچه‌یشی ممکن.
بیزلرنینگ فیسبوک صحیفه‌میزگه باش اورینگ!
یونیسف، افغانستان ده انسانی بحران‌نی کمه‌یتیریش اوچون محتاج عایله‌لر گه نقد یاردم کورسه‌تیلیشینی ییچیم یوللردن دیب، اولکه بویلب محتاج عایله‌لرنی قوللب_قوتلش گه دوام بیریشینی اورغوله‌گن.
اوتگن کون، خلق‌ارا قیزیل خاچ کمیته، افغانستان ده ۲۰ میلیون کیشی آزیق_آوقات خوفسیزلیگی بیلن روپه‌ره لیگینی ایتگن.
خلق‌ارا قیزیل خاچ کمیته نینگ عملیاتی مسئولی مارتین شوب اوز توییتری ده یازیشیچه: «افغانستان ده اساسی توارلر نرخی آسیشی، اکثر یشاوچیلر نینگ قیینچیلیگینی کوپه‌یتیرگن.»
بیزلرنینگ توییترده هم تعقیب قیلینگ!
اونگه کوره، افغانستان ده اورته بیر عایله، یالغیز ۸۲ فایز ییگولیک ماده‌لرینی تأمینلش گه قادر.
عین‌حالده، نیچه کون آلدین بیرلشگن ملت‌لر تشکیلاتی، افغانستان بویلب بیرقطار عایله‌لر، کیلگوسی قیش ده آزیق_آوقات و یاقیلغی ماده‌لردن بیرینی تنلشگه مجبور ایکنینی ایتگندی.