هرات‌ده افغانستان و ایران عکاس‌لری نینگ بیرینچی کورگزمه‌سی «بوی جوی مولیان» آتیده یولگه قوییلدی. اوشبو کورگزمه‌ده افغانستان و ایران عکاس‌لری و نقاش‌لری نینگ اثرلری نمایش گه قوییلگن.
مذکور کورگزمه تشکیلاتچیلری نینگ ایتیشلریچه، ینگی ییل ییتیب کیلیشی همده دایمی صلح و دوستلیک مستحکم له‌نیش و افغانستان و ایران نینگ فرهنگی و تاریخی مشترک‌لرینی تانیشتیریش مقصدیده، بو کورگزمه‌نی یولگه قویگن‌لر.
بیزلرنینگ فیسبوک صحیفه‌میزگه باش اورینگ!
هرات‌ده افغان عکاس‌لریدن بیری حکمت‌الله ارباب‌زاده، اوشبو کورگزمه‌ده «بهار و امید» عنوانی‌ده ۸ اثرینی نمایش گه قویگن ایتیشیچه، اثرلری آرقه‌لی صلح و تینچلیک پیامینی یشاوچیلر گه انتقال بیریش اوچون سعی-حرکت قیله‌دی. ارباب‌زاده گه کوره، او ۳۸ ییل‌دن بویان هرات‌ده عکاس صفتیده ایشله‌یدی و اوشبو مدت ایچیده تورلی حوزه‌لرده چیزگن کوپ سان‌ده‌گی اثرلرینی، نیچه کورگزمه‌ده نمایش گه قویگن.
مذکور عکاس، مملکت‌لر آره‌سیده بو گَل کورگزمه‌لر اوتکزیلیشینی اونملی دیب ایتیشیچه: «بو گَل ایش‌لر تانیش اوچون زمینه یره‌ته‌دی، پیام بوییردن او ییرگه انتقال بیریله‌دی، اوییرده‌گی اهالی و رسام کیشی‌لر بو ییر نینگ هنری بیلن آشنا بوله‌دیلر، عکسینچه بیز او ییر نینگ هنری بیلن آشنا بوله‌میز، کوپراق ایکی تامان مشترک فرهنگ‌لری بیلن آشنا بولیشه‌دی.»
عین‌حالده، ایران نینگ هرات‌ده‌گی فرهنگ باشلیغی مجید خالق نیاز گه کوره، بو کورگزمه‌ده هرات عکاس‌لری نینگ اثرلری گه علاوه، ایران عکاس‌لری نینگ ۱۹ اثری نمایش گه قوییلگن، بو گَل ایش افغانستان وایران نینگ مشترک فرهنگی اوستیگه ایجابی تأثیری بولیشی ممکن. اونینگ کوپه‌یتیریشیچه، ایکی مملکت عکاس‌لیک هنرلری و فرهنگی بیلن کوپراق آشنا بولیش اوچون، افغانستان و ایران عکاس‌لری آره‌سیده مشترک بو گَل کورگزمه، ایران‌ده اوتکزیلیشی گه قرار قیلینگن.
باشقه تاماندن، هرات معلومات و مدنیت باشلیغی نعیم‌الحق حقانی، اوشبو کورگزمه اوتکزیلیشینی خوش قرشی‌لب ایتیشیچه، بو کبی نمایش‌لر ایکی مملکت نینگ مشترک‌لرینی مستحکم لشگه یاردم بیریشی ممکن.
بیزلرنینگ توییترده هم تعقیب قیلینگ!
مذکور کورگزمه‌ده اشتراک ایتگن‌لر، افغانستان و ایران نینگ فرهنگی مشترک‌لری دوامی اوستیگه تأکیدلب، ایکی مملکت متصدی‌لریدن، رسام‌لر و عکاس‌لرنی اوتمیش‌لر گه نسبتن قوللب قوتلش‌لرینی طلب قیله‌دیلر.
افغانستان و ایران عکاس‌لری نینگ مشترک کورگزمه‌سی، هرات سلجوقی کورگزمه سالنی‌ده یولگه قوییلیب و اوشبو هفته یکونیگچه دوام ایتیشی کوتیله‌دی.