ملی مصالحه کینگشی باشلیغی عبدالله عبدالله نینگ ایچکی ایشلر سابق وزیری مسعود اندرابی نینگ چیکلنتیریلیشی‌گه قرشی ایتیشیچه، اونینگ چیکلنتیریلیشی سیاسی شرطنامه‌گه قرشی دیر.
بوگون “شنبه” ملی مصالحه کینگشی باشلیغی نینگ بیر اعلامیه آرقه‌لی ایتیشیچه، اوشبو قرار خصوصیده او بیلن مصلحت قیلینمه‌گن و ایکی تامان آره‌سیده امضالنگن سیاسی شرطنامه‌گه قرشی دیر.
جناب عبدالله، حاضرگی شرایط ده جمهور رییس غنی نینگ اوشبو قرارینی مملکت ملی منفعتی‌گه قرشی عنوان قیلیب ایتیشیچه، بو قرار قابل قبول ایمس دیر.
اوتگن “جمعه” کونی ملی خوفسیزلیک کینگشی نینگ بیر اعلامیه آرقه‌لی ایتیشیچه، جمهور رییس نینگ ایکی فرق‌لی فرمانی آرقه‌لی، قندهار سابق حاکمی حیات‌الله حیات ایچکی وزیرلیگی سرپرستی و محلی ارگانلر سابق اورین باسری محمدایوب سالنگی اوشبو وزارت بیرینچی اورین باسری صفتیده تعیین‌لنگنلر.
ایتیلیشیچه، بوندن آلدین مسعود اندرابی ایچکی ایشلر وزیری صفتیده و صبور قانع اوشبو وزارت بیرینچی اورین باسری صفتیده فعالیت قیله‌ریدیلر.