کاپیسا ولایتی تگاب تومنیده اسلامی امارت امر معروف و نهی منکر محلی مسئوللری، ینگی‌لیکده محرم‌سیز عیاللرگه اوشبو تومن بازاری نینگ دوکان‌لری ایچیدن سودا قیلمسلیک بویروغینی بیرگن.
تگاب تومنی یشاوچیلریدن بیرقطاری نینگ ایتیشلریچه، اسلامی امارت اوشبو قرارلرینی عملگه آشیریش اوچون جدی بولسه‌لر، خاتین قیزلر اوچون مخصوص بازار قوریش‌لری کیره‌ک؛ عکس‌حالده، آدم‌لر بونده‌ی قرارنی قبول قیلمه‌یدی.
بیزلرنینگ فیسبوک صحیفه‌میزگه باش اورینگ!
عین‌حالده، تگاب تومنی یشاوچیلریدن شمیم گه کوره، امرمعروف و نهی منکر مسئوللری نینگ قراری گه ماس حرکت قیلیش اوچون، ساتووچیلر عیاللر گه دایر برچه نرسه‌لرینی دوکان دن تشقری چیقره آلمه‌یدیلر.
شمیم نینگ کوپه‌یتیریشیچه، بیر قطار عیاللر نینگ حتا شرعی محرمی یوق و بو قرار اولر نینگ سودا اوچون ایرکین‌لیگینی سلب قیله‌دی.
سلام‌وطندار بیلن صحبت اوتکزگن تگاب تومنی امر معروف و نهی منکر آمری مولوی ولی‌الله گه کوره، عیاللر نینگ یوزی آچیقلیک حالده دوکاندار بیلن محرم‌سیز گپلشنی اولر قبول قیلمه‌یدی.
اونینگ ایشانچی گه کوره، الهی حکم‌لرنی عملگه آشیریش اوچون مبارزه و جهاد قیلیشگن، شونی اوچون ینگی‌لیکده سودا_ساتیق جریانیده شرعی مسئله‌لرنی نظرگه آلمه‌ی و محرم‌سیز عیاللر بیلن صحبت قیلگن قطار دوکاندارلرنی قولگه آلگنلر.
بیزلرنینگ توییترده هم تعقیب قیلینگ!
جناب ولی‌الله نینگ ایتیشیچه، امنیه قوماندان‌لیگی و مذکور تومن استخبارات مسئولی مصلحتی بیلن، بونده‌ی قرار قیلگنلر.
شو بیلن بیرگه، ایش بیلرمان‌لر نینگ ایشانچی گه کوره، خاتین قیزلر گه چیکلاو یره‌تیش بیلن شرعیت نی تطبیق قیلیش حرکت، حکومت و اهالی اورته‌سیده بوشلیک تاپیلیشی گه سبب بوله‌دی.
