جوزجان ده اکتید دفتری نینگ ولایتی مسئوللری نینگ ایتیش‌لریچه، بو ولایتده قشاق عیاللرنینگ کوچلنتیریش و ظرفیتی نی یوقاری ایلتیش اوچون بو برنامه نی یولگه قویگنلر.
جوزجان ده اکتید دفتری نینگ ولایتی باشلیغی امان‌الله امین نینگ ایتیشیچه، بوگون ۷۲ قشاق عیال عکاس‌لیک، موبایل نی تعمیرلش، بیک تیکیش و آرایشگرلیک رشته‌لریدن ۹ آی تعلیم کورگندن کیین فارغ بولیشگن. جناب امین نینگ کوپه‌یتیریشیچه، مذکور پروژه کمیده ۱۵۰ مینگ دالر خره‌جت کوتارگن کیم ناوری مملکتی تامانیدن توللنگن.
مذکور تعلیماتی ورکشاپ دن فارغ بولگن قیزلردن قطاری نینگ ایتیش‌لریچه، بو رشته‌لردن قولگه کیلتیره‌دیگن عایدلر بیلن اوزلری و عایله‌لری نینگ احتیاجات‌لرینی حل قیله آله‌دیلر.
بیک تیکیش بولیمی ایش اورگنوچی‌لریدن بیری زرمینه نینگ ایتیشیچه، بو برنامه گه شامل بولمسدن آلدین کوپینچه قیینچیلیکلر بیلن روپه‌رو ایکن، بیراق حاضر حیات وضعیتی یخشی‌لنگن. اونگه کوره، بونده‌ی برنامه‌لر یولگه قوییلیشی عیاللرنی کوچلنتیریش گه علاوه اولرنینگ اقتصادی یخشی‌لنیشی اوچون ایجابی تأثیر قویه‌دی.
شونینگدیک آرایشگرلیک بولیمی ده ایش اورگنگنلردن بیری لطیفه نینگ ایتیشیچه، بو ایش نی اورگنمه‌سلیکدن آلدین بیر افغانی عایدی هم یوق ایکن بیراق حاضر کونده ۲۰۰ الی ۵۰۰ افغانی عایدی بار.
اونگه کوره، بو ورکشاپ یولگه قوییلیشی عایله‌لرنینگ اقتصادی یخشی‌لنیشی گه علاوه، عایلوی زوروانلیکلر کمه‌یشی گه هم ایجابی تأثیر قویه‌دی. بو برنامه یولگه قوییلگن بیرحالده، یقیین کیله‌جکده باشقه ۷۲ قشاق عیال اوچون هم ایش اورگه‌نیش زمینه‌سی یره‌تیلیشی گه قرار قیلینگن.