ایچکی ایشلر وزیرلیگی سرپرستی عبدالستار میرزکوال، پکتیا خوفسیزلیک وضعیتی نی تیکشیریش اوچون بوگون مذکور ولایت گه سفر قیلگن.
او پکتیا گه قیلگن سفری جریانیده مردمی بیر ییغینده ایتیشیچه، امنیتی کوچلر بوتون افغانستان اینیقسه بو ولایتده طالبان قولیگه سقوط قیلگن تومنلرنی قیته آله‌دی.
ایچکی ایشلر وزیرلیگی سرپرستی نینگ کوپه‌یتیریشیچه، اولر قیقسه پیتده افغانستان بویلب ۳۰ مینگ ینگی کیشی نی محلی پولیس چوکاتی گه تعلیمات بیریب و اولرنینگ خوفسیزلیک تأمین‌لنیشی اوچون اوز منطقه‌لریگه یوباریش گه قرار قیلینگن. اونینگ ایتیشیچه، مذکور پولیس‌لردن کوپینچه‌سی پکتیا گه اختصاص بیریلیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، پکتیا یشاوچی‌لری نینگ ایتیش‌لریچه، اهالی هر تومنده امنیتی کوچلردن حمایت قیلیش بیلن اَیاق اوستیگه تورگن و تیزلیککه اوزلری و مملکت‌لریدن مدافعه قیلیش اوچون قورال کوتاریش‌لری ممکن.
ایچکی ایشلر وزیرلیگی مسئوللری، تومنلر آتیشمسدن طالبان گه تاپشیریلگنی خصوصیده ایتیشیچه، اولر بو توغریده جدی تیکشیروو باشله‌گن و تیکشیروو اوتکزیلیب و قیینچیلک انیق‌لنگنیدن کیین، وظیفه نی اجرا ایتیش گه غفلت قیلگن کیشیلرنی جزالنتیره‌دیلر.