آمریکا افغانستان گه ینگی انسان‌دوستلیک یاردمی بسته‌سینی اعلام قیلدی. آمریکا تشقی ایشلر وزیرلیگی نینگ اعلام قیلیشیچه، افغانستان ده انسانی فاجعه دن ضرر کورگن کیشی‌لرگه ۱۴۴ میلیون دالر انسان‌دوستلیک یاردم بیره‌دی.
بو وزیرلیککه کوره، مذکور یاردملر اعلام ایتیلیشی بیلن آمریکا نینگ ۲۰۲۱- میلادی ییل ده هافغانستان‌لیک باش‌پناه ایزلاوچی‌لریگه و افغانستان ده انسان‌دوستلیک یاردم‌لری کمیده ۴۷۴ میلیون دالر گه ییتیشه‌دی. آمریکا نینگ ایتیشیچه، افغانستان گه باشقه هر بیر مملکتدن کوپراق یاردم بیرگن.
آمریکا تشقی ایشلر وزیرلیگی نینگ اعلامی اساسیده، مذکور یاردملر توغری بیر شکلده ایرکین انسان‌دوستلیک تشکیلاتلر جمله‌‌دن بیرلشگن ملتلر تشکیلاتی نینگ باش‌پناه ایزلاوچیلر عالی کمیسارلری (UNHCR)، بیرلشگن ملتلر تشکیلاتی نینگ باله‌لردن حمایت قیلووچی اداره‌سی یا یونیسف، خلق‌ارا مهاجرلیک تشکیلاتی (IOM)، دنیا ساغلیک تشکیلاتی (WHO) و باشقه خلق‌ارا تشکیلات‌لرگه ارایه ایتیله‌دی.
بیزلرنینگ فیسبوک صحیفه‌میزگه باش اورینگ!
آمریکا تشقی ایشلر وزیرلیگی گه کوره، مذکور یاردملر ساغلیک خذمتلر ارایه ایتیلیشی، کووید ۱۹، قوروقچیلیک، توییب آوقت‌لنمسلیک، حیات نی سقلش، غذایی خوفسیزلیک دن حمایت قیلیش، کیره‌کلی ساغلیک مراقبتلر، قیش یاردم‌لری، لوجستیک و باشقه بولیم‌لرگه اَجره‌تیلگن.
آمریکا تشقی ایشلر وزیرلیگی نینگ کوپه‌یتیریشیچه، بو یاردملر افغانستان اهالیسی نینگ فایده‌سیگه دیر، نه طالبان. بو وزیرلیک نینگ تأکید قیلیشیچه، طالبلرنینگ بو توغریده بیرگن وعده‌لری خصوصیده جوابگو بولیشی کیره‌ک.
آمریکا نینگ ایتیشیچه، افغانستان قوشنی‌لری دنیا ده باش‌پناه ایزلاوچیلرنینگ اینگ بویوک میزبانی بولگن و مذکور مملکت‌لردن خلق‌ارا حمایت گه محتاج بولگن افغانلر چیگره‌لری نینگ آچیق قوییش‌لرینی سوره‌گن.
افغانستان گه آمریکا نینگ ینگی انسان‌دوستلیک یاردمی اعلام ایتیلگن بیرحالده، مملکتده اسلامی امارت قدرت گه ایریشیشی بیلن قشاقلیک مثالی کوریلمه‌گن درجه ده کوپه‌یگن. بیرلشگن ملتلر تشکیلاتی نینگ قیته قوریش و رواجله‌نیش برنامه‌سی نینگ تیکشیرووی اساسیده، افغانستان دنیا قشاقلیک خوفی گه قرار تاپگن و بو مملکتده فقر میزانی ۹۷ فایز گچه ییتیشیشی ممکن.