امریکا جمهور باشلیغی جوبایدن میلادی ۲۰۱۱_ییل ۱۱سپتامبر هجومی قربانی‌لریدن یادلش مراسمیده، یینه بیر مراتبه تروریزم گه قرشی کوره‌شی اوستیگه تأکید ایتگن.
او ۱۱ سپتامبر هجوم‌لری گه اشاره قیلیب ایتیشیچه: «امریکا تروریزم تهدیدینی یوق ایتیش اوچون ۱۱ سپتامبر هجومی عامللرینی ییل‌لر بوییچه ایزلب یوق ایتدی.» بایدن نینگ کوپه‌یتیریشیچه، «اوشبو هجوم‌لر عامللرینی جهنم ایشیگیگه قدر ایزله‌یمیز.»
بیزلرنینگ فیسبوک صحیفه‌میزگه باش اورینگ!
۲۰۱۱_ییل ۱۱ سپتامبرده نیویارک شهری ده دنیا نینگ تجارتی مرکزی و امریکا مدافعه وزیرلیگی نشانگه آلینگچ، امریکا القاعده ترماغی و ۱۱ سپتامبر هجومی عامللری گه قرشی کوره‌ش مقصدیده افغانستان گه باستیریب کیریب و اوشبو مملکتده ۲۰ ییل حربی حضوری دن کیین، اوتگن ییل ۳۱ آگست ده بو مملکت نی ترک ایتدی.
امریکا نینگ افغانستان نی ترک ایتیشیدن بیر ییل دن کوپ اوتماقده دیر، بیراق امریکا رسمی‌لری اینیقسه مذکور مملکت جمهور باشلیغی، افغانستان ده تروریزم گه قرشی کوره‌ش اوستیگه تاکیدلماقده و بیر ییل دن بویان، اوچووچی‌سیز اوچاق‌لر آرقه‌لی افغانستان دن نظارت قیلماقده دیر.
امریکا افغانستان نی ترک ایتیشیدن سونگ، کابل شهری نینگ شیرپور منطقه‌سیده القاعده ترماغی نینگ ییتکچیسی ایمن‌الظواهرینی نشانگه آلیب اولدیریشیدن خبر بیردی؛ بیراق اسلامی امارت حاضرگچه افغانستان ده الظواهری اولدیریلیشینی تصدیق قیلمه‌گن.
بیزلرنینگ توییترده هم تعقیب قیلینگ!
سنتکام سابق قوماندانی کنت مکنزی، امریکا افغانستان نی ترک ایتیشیدن سونگ اوشبو مملکتده استخباراتی کوچی کمه‌یشینی معلوم قیلگچ، امریکا اوزاق یول دن افغانستان ده تروریزم گه قرشی کوره‌ش اوستیگه تاکید ایتماقده دیر.