کابل شهری شهزاده سرای مسئوللری نینگ معلوماتی اساسیده، بوگون (یک‌شنبه، ۵ سنبله) توش گه قدر، امریکالیک بیر دالر ۸۰ افغانی و ۴۰ پول ساتیلگن؛ عین‌حالده بیر هفته آلدین امریکالیک بیر دالر ۸۸ افغانی ایتدی.
اولکه یشاوچیلری نینگ ایتیشلریچه، افغانی پول برابری ده دالر نرخی پس توشگن بولسه ده بیراق بازارلرده ییگولیک ماده‌لر نرخی اوزگرمه‌گن.
کابل شهری مندوی گه ییگولیک ماده ساتیب آلیش اوچون کیلگن عمران گه کوره، دکان‌دارلر ییگولیک ماده‌لرنی اوتگن هفته‌لر نرخی گه ساتماقده‌لر. او نینگ ایتیشیچه: «دالر نرخی پس توشگن بولسه ده، انصافلی بولگن‌لر ینگی نرخ‌نامه اساسیده ییگولیک ماده‌لرنی ساته‌دی؛ بیراق کوپچیلیک ایمس.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری مهتاب‌گل، دولت رسمی‌لری دن کابل شهری ده ییگولیک ماده‌لر نرخینی کنترول قیلیش‌لرینی طلب قیله‌دی. او نینگ کوپه‌یتیریشیچه: «اون بیر مینگ ۶۰۰ افغانی ایدی حاضر هم نرخی پس توشگن یوق و ماکارانی ۶۰ یا که ۷۰ افغانی ایدی حاضر ۸۰ افغانی بولگن.»
باشقه تاماندن، کابل شهری مندوی ده دکان‌دار حمیدالله گه کوره، ییگولیک ماده‌لرنی کابل بلدیه‌سی تامانیدن تعینلنگن نرخ‌نامه اساسیده ساتماقده‌لر.
او نینگ ایتیشیچه: «خورسندلیک بیلن بوگون کابل بلدیه‌سی تامانیدن نرخ‌نامه توزیع بولگن و قیمت اوشبو نرخ‌نامه ده ذکر بولگن؛ مثال صورتده اون بیر مینگ ۶۰۰ افغانی، برنج ایکی مینگ ۹۰۰ افغانی و یاغ ۴۸۰ افغانی دیر و بیز اونگه عمل قیلماقده‌میز.»
شو بیلن بیرگه، کابل بلدیه‌سی مسئوللری نینگ ایتیشلریچه، هر هفته کابل شهری دکان‌دارلری گه ییگولیک ماده‌لر نرخینی تعینلش اوچون نرخ‌نامه توزیع قیله‌دیلر.
بیزلرنینگ توییترده هم تعقیب قیلینگ!
کابل بلدیه‌سی سوزلاوچیسی نعمت‌الله بارکزی گه کوره، بوگون شهر بویلب، ییگولیک ماده‌لر نرخینی تعینلش اوچون ینگی نرخ‌نامه توزیع بولگن.
او نینگ کوپه‌یتیریشیچه: «یاغ نرخی ده ۳۰ افغانی و اون نرخی ده ۷۰ افغانی و باشقه نرسه‌لر نرخی کمه‌یگن. هر هفته نرخ‌نامه توزیع بوله‌دی، بو هفته دالر نرخی پس توشدی، ییگولیک ماده‌لر نرخی کمه‌یشی ممکن.»
ایتیش کیره‌ک که، کابل بلدیه‌سی نینگ ینگی نرخ‌نامه‌سی اساسیده، ۵۰ کیلولیک بیر بوجی اون بیرمینگ ۶۲۰ افغانی، ۲۴ کیلولیک بیر بوجی اول درجه سیله برنج ایکی مینگ ۹۰۰ افغانی و بیش لیترلیک بیر قوطی یاغ ۴۸۰ افغانی ساتیلیشی کیره‌ک.