بغلان خوفسیزلیک مسئوللری نینگ ایتیش‌لریچه، مذکور ولایت‌ده ییر بولینشی خصوصیده ایکی عایله آره‌سیده یوز بیرگن جنجل نتیجه‌سیده، تورت کیشی هلاک و ایکی کیشی ایسه یره‌لنگن.
بغلان امنیه قوماندانلیگی سوزلاوچیسی شیراحمد برهانی نینگ سلام‌وطندار گه ایتیشیچه، مذکور ولایت مرکزی پلخمری شهری نینگ «دند غوری» منطقه‌سیده، ییر بولینیشی خصوصیده یوز بیرگن جنجل نتیجه‌سیده، تورت کیشی هلاک و ایکی کیشی یره‌لنگن.
بیزلرنینگ توییترده هم تعقیب قیلینگ!
بغلان امنیه قوماندانلیگی سوزلاوچیسی نینگ کوپه‌یتیریشیچه، مذکور واقعه دوشنبه کونی شام چاغی یوز بیرگن. اونگه کوره، اوشبو واقعه قربانی‌لریدن برچه‌سی ایرکک و اوچ عایله نینگ اعضاسی دیر.
باشقه بیر تاماندن، محل یشاوچیلر نینگ ایتیش‌لریچه، اوشبو واقعه‌‌ده تورت کیشی هلاک و بیش کیشی ایسه یره‌لنگن. اولر گه کوره، یره‌دارلر وضعیتی یامان دیر.
ایتیش کیرهک که، اسلامی امارت خوفسیزلیک کوچلری واقعه یره‌دارلری نینگ درمان اوچون اوشبو ولایت‌دن تشقی گه انتقال بیرگن دیر.
بیزلرنینگ فیسبوک صحیفه‌میزگه باش اورینگ!
بغلان امنیه قوماندانلیگی سوزلاوچیسی نینگ تاکید قیلیشیچه، اوشبو واقعه گه تیگیشلی ایکی کیشی قولگه آلینگن و بو توغریده تیکشیریش‌لر نینگ دوامی بار.
ایتیش کیرهک که، شونینگدیک بوندن آلدین هم مملکت نینگ بیر قطار ولایت‌لریده شونگه اوخشه‌گن واقعه‌لر یوز بیرگن دیر.