افغانستان ده بیرلشگن ملت‌لر تشکیلاتی (یوناما) نینگ اورین باسرلیک هیئت دفتری سرپرستی و سیاسی اورین باسری مارکس پوتزل گه کوره، اسلامی امارت رسمی‌لری خاتین قیزلر گه یره‌تیلگن چیکلاو اینیقسه آلتینچی صنف دن یوقاری قیزلر گه مکتب باریش رخصتی بیریلمسلیگینی، اسلامی امارت رهبری هبت‌الله آخوندزاده نینگ قراری بیله‌دیلر.
جناب پوتزل اوشبو سوزلرنی اوتگن کون (سه‌شنبه، ۵ میزان) بیرلشگن ملت‌لر تشکیلاتی نینگ خوفسیزلیک کینگشی ییغینیده بیان قیلگن. اونگه کوره، عیاللر گه یره‌تیلگن چیکلاو، اسلامی امارت افغانستان نینگ ۵۰ فایز جمعیتی برابری ده بی فرق‌لیگینی کورسته‌دی.
یوناما سرپرستی نینگ کوپه‌یتیریشیچه، دنیا همجمعیت نینگ اسلامی امارت بیلن تعامل قیلیش صبری توگه‌یشیدن تشویش ده دیر.
بیزلرنینگ فیسبوک صحیفه‌میزگه باش اورینگ!
جناب پوتزل نینگ ایتیشیچه، اوتگن نیچه آی ده مثبت اوزگریش کیلگن، بیراق جوده هم آز و ضعیف دیر و منفی اوزگریش‌لر مثبت اوزگریش‌لر اوستیگه غلبه قیلگن. او قیزلر نینگ لیسه و اورته مکتب‌لری رخصت ایتیلیشی گه اشاره قیلیب ایتیشیچه، دنیا بویلب بو گَل قرار مثل‌سیز دیر.
شو بیلن بیرگه، یوناما سرپرستی گه کوره، اسلامی امارت نینگ قطار اعضالری بیلن اوتکزگن ملاقاتیده، بو قرار اسلامی امارت لیدری تامانیدن آلینیب و اطرافی ده‌گی تندرو کیشی‌لر اوشبو قرار دن دفاع قیلیشه‌دی.
عین‌حالده، تشقی ایشلر وزیرلیگی نینگ سیاسی معینی شیرمحمد عباس استانکزی، اوتگن کون (سه‌شنبه، ۵ میزان) «خلق‌ارا سیاح‌لر کونیدن» نشانلش مناسبتی بیلن کابل شهری دارالامان قصری ده اوتکزیلگن ییغینده ایتیشیچه، قیزلر نینگ مکتب‌لری آچیلیشی اوچون هیچ قنده‌ی شرعی توسقین‌لیک یوق دیر.
اونینگ کوپه‌یتیریشیچه: «آچیق ایته‌من که تعلیم عیال و ایرکک اوستیگه فرض دیر؛ بیلیم فرض‌لیگینی رد قیلیش اوچون کیمسه نینگ دلیلی یوق دیر. بوتوغریده کوپ فتوالر بیریلگن؛ تیزلیک بیلن قیزلر نینگ مکتب‌لری آچیلیشی کیره‌ک.»
بیزلرنینگ توییترده هم تعقیب قیلینگ!
استانکزی، اقتصادی قیینچیلیکلر گه قوشیمچه تعلیم قیینچیلیکلرینی افغانستان نینگ اساسی مشکل‌لریدن عنوان قیله‌دی؛ لیکن معارف وزیرلیگی بوتوغریده اونچه‌لیک ایشانمه‌یدی.
نیچه کون آلدین، معارف وزیرلیگی نینگ سابق سرپرستی نورالله منیر، ارزگان ده‌گی ییغینده، قیزلر نینگ مکتب‌لری فرهنگی قیینچیلیکلر باعث یاپیلگن و حاضرگی شرایط ده عایله‌لر قیز فرزندلرینی مکتب یوباریشنی ایستمه‌سلیکلرینی ایتگندی.