کابل و ولایت‌لر آره‌سیده قتناوچی بیر قطار یوللاوچیلر، ترانسپورت اجاره‌سی یوقاری‌لیگیدن شکایت قیلیب ایتیشلریچه، ترانسپورتی شرکت‌لر، یوللاوچی موترلر نینگ یول حقینی کوپه‌یتیرگن.
اولکه یشاوچیلری سلام‌وطندار بیلن صحبت اوتکزیب ایتیشلریچه، نفتی ماده‌لر (تیل و گاز) نرخی پس توشسه‌ده؛ لیکن ترانسپورتی شرکت‌لر تامانیدن موترلر نینگ یول حقی پس توشمه‌گن. اولر اسلامی امارت‌دن، یوللاوچی موترلر نینگ یول حقینی نظارت ایتیش‌لرینی سوره‌یدیلر.
بیزلرنینگ فیسبوک صحیفه‌میزگه باش اورینگ!
شو بیلن بیرگه، ترانسپورتی شرکت‌لر مسئول‌لریدن قطاری، ترانسپورت اجاره‌سی آشیش سببی‌نی، یول‌لر بوزیق‌لیگی، ترافیکی توسیلیش، نفت ماده و موترلر نینگ ملزمه‌لری قیمت‌لیگی عنوان قیله‌دیلر. اولرگه نینگ تأکیدلشلریچه، نفت ماده‌لری قیمتی پس توشیشی بیلن یوللاوچیلر نینگ یول حقیدن ۱۰۰ افغانی کمه‌یتیریلگن.
حاضرگی کونده کابل-فاریاب و بدخشان یول حقی ۹۰۰ افغانی، کابل-تخار و مزارشریف ۷۰۰ افغانی، کابل-جوزجان و سرپل ۸۰۰ افغانی و کابل-جلال‌آباد ۵۰۰ افغانی دیر.
ترانسپورتی شرکت‌لر مسئول‌لری گه کوره، اوشبو یول‌ده کوپراق «۵۸۰» تیپلی موترلر قتنه‌یدی و مذکور موترلر نینگ زمانه‌وی لیگی باعث یول حقی آشگن.
باشقه تاماندن، ترانسپورتی شرکت‌لر مسئول‌لری نینگ ایتیشلریچه، افغانستان‌ده اسلامی امارت حاکمیت‌نی قولگه آلیشی بیلن هیچ بیر نرخ‌نامه اولر گه یوللنمه‌گن. اولر نینگ کوپه‌یتیریشیچه، نرخ‌نامه یوق‌لیگی باعث، ولایت‌لر نینگ ترانسپورتی شرکت‌لر یول حقی فرقلی دیر.
برچه‌سی بیلن اسلامی امارت ترانسپورت و هوانوردلیک وزیرلیگی نینگ ایتیشیچه، ولایتی ترانسپورت‌لر نینگ اجاره نرخینی کمه‌یتیریش اوچون، ریجه نظرگه آلینگن، تیزلیک بیلن ترانسپورتی شرکت‌لر گه بیریلیشی ممکن.
بیزلرنینگ توییترده هم تعقیب قیلینگ!
بوندن آلدین ییگولیک آزیق-آوقت و یاقیلغی ماده‌لر نرخی آشیشی باعث اهالی تشویشی گه سبب بولگن ایدی و اسلامی امارت، ماده‌لر نرخینی پس توشیریش اوچون، دوکاندارلر گه نرخ‌نامه ترقه‌تدی.
ایتیش کیره‌ک که، سونگی آی‌لرده، کابل‌ده شهری موترلر نینگ کرایه نرخی کوپه‌یب و پایتخت یشاوچیلری نینگ خواطرینی آشیرگن.