باغ‌دارلیک نینگ ینگی اسلوبلرینی اورگنگن پروان ده‌گی باغ‌دارلردن بیرقطاری گه کوره، اوشبو اسلوبلرنی عمل گه آشیریش بیلن باغلری نینگ حاصلاتی میزانی کوپه‌یگن.
پروان ولایتی بگرام تومنی‌ده‌گی باغ‌دارلردن بیری میرحمزه نینگ ایتیشیچه، سکیز جریب ییرینی تورلی‌خیل میوه ایکیش‌گه اختصاص بیریب و ایکینچیلیک نینگ ینگی اسلوبلریدن فایده‌لنیش بیلن یخشی‌راق حاصل قولگه کیلتیرگن. اونینگ کوپه‌یتیریشیچه: «باشقه‌لر نینگ باغی‌ده بولمه‌گن نرسه‌لرنی مین ایککن، حتا بو میوه‌لر آسیا ده اونچه‌لیک تاپیلمه‌یدی؛ شاهانه دییله‌دیگن بلک‌ویلیام اوزومی نی تاجیکستان دن طلب قیلدیک؛ اینگ یخشی اوزوم و ایتالیالیک دیر. منیکرفنگر یا-ده انگشت‌عروس اوزومی هم جوده‌یم چیرایلی. ایکی تور درخت‌لیک قاوونیم بار؛ خراب بولگن تاک‌لرنی اورته‌دن کیتکزگن‌مین و اونینگ اورنیده ینگی تاک‌لر نی غرس قیلگن‌مین.»
بیزلرنینگ فیسبوک صحیفه‌میزگه باش اورینگ!
میرحمزه گه کوره، ایکینچیلیک نینگ ینگی اسلوبلریدن فایده‌لنیش قوله‌ی بیر ایش ایمس؛ لیکن او بو اسلوبلر نی بجریب و اورگنگن نرسه‌لرنی باشقه دهقان‌لر گه هم انتقال بیریش نی ایسته‌یدی. «قلمه قیلیش جریانیده خطا قیلمه‌ی دیب هر تاککه آتلرینی یازگن‌مین؛ خلاق بولمه‌گن دهقان‌لر ایسه تجربه آلیش اوچون سعی‌وحرکت قیلیش‌لری کیره‌ک. کابل شمالی نینگ توراغی هر قنده‌ی کوچت ایکیلیشی اوچون مناسب دیر. بیزلر بولمه‌یدی دیگنیمیز‌ده ایسه بلکیم ایکیش اسلوبی یا-ده درخت‌لر نینگ پیوند بیریلیشی نی بیلمسلیگیمیز دیر.»
باغ‌دارلردن باشقه بیری گل‌پادشاه جلیلی گه کوره، ایکینچیلیک نینگ ینگی اسلوبلرینی بیلمسلیک و اوسیم‌لیک آفتلری نینگ کوپه‌یشی سبب، ایکینچیلیک بولیمی‌ده ایشلش اونینگ زیریکتیرگن. اونینگ ایتیشیچه: «ایکی جریب ییر گه ییتی سیر اوروغ کیته‌دی؛ بو مقدار ییردن ۶۰۰ سیر بوغدای حاصل بولیشی کیره‌ک؛ لیکن ۲۰۰ سیر هم قولگه کیلتیرمه‌دیک، چونکه آفتلر ایکینلریمیز گه زیان ییتیشتیردی.»
گل‌پادشاه نینگ کوپه‌یتیریشیچه، ایکینچیلیک خصوصیده‌گی ینگی اسلوبلرنی اورگنماقچین بولیب و بو اسلوبلرنی اورگه‌نیش و مصلحت قیلیش اوچون بو اسلوب‌لردن قوللنه‌دیگن ایکینچیلر یانی گه باریش‌گه قرار آلگن.
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، پروان ایکینچیلیک، سووغاریش و چاروه‌چیلیک ریاستی نینگ ایکینچیلیک ایشلری بوییچه آمری نیازمحمد تایب نینگ ایتیشیچه، مذکور ولایتده ایکینچیلیک سیستیمی نی ستندرد قیلیش اوچون بیر قطار برنامه‌لرنی یولگه قوییب و ستندرد باغ‌لرنی ایجاد قیلیش و میوه‌لر، غله‌لر و تورلی سبزه‌وات‌لر نینگ ثمرلی رقم‌لری رواجلنیشی اوچون ایکینچیلر بیلن مصلحت قیلگنلر. اونینگ کوپه‌یتیریشیچه: «باغ‌دارلیک بولیم‌لری قدریب ۱۴۴۰۱ هکتار دیر که ۲۵۶ جریب آلمه، بادام و گیلاس نینگ ستندرد باغلری نی توزتگن، ستندرد شکلده پسته باغلری نی کینگه‌یتیریش، باغ‌دارلیک سیستمی نی محلی سیستم‌دن زمانه‌وی سیستم گه اصلاح قیلیش، تومن‌لر بویلب ایکینچیلیک بیرلشمه‌لری نی ایجاد قیلیش، ایشلریمیز آره‌سیده‌گی اونملی بولیم‌لر دیر.»
ایکینچیلیک ایشلری بوییچه ایش بیلرمانلردن مقصود مقدس نینگ ایتیشیچه، اوشبو ولایتده مسئول نهاد‌لر ایکینچیلر گه ایکینچیلیک نینگ ینگی اسلوب‌لرینیدن فایده‌لنیش زمینه‌سی نی یره‌تیشلری کیره‌ک. «دولت بو کبی کیشی‌لر نی ترغیب و همکارلیک قیله‌دی و تولیدی ساحه‌لرینی نمایشی قطعه صفتیده باشقه باغدارلر گه کورسته‌دی؛ باغدارلر اوسیم‌لیک آفتلری کنترول بولیشی خصوصیده تلفیقی سیستم‌لردن ایش آلیشی کیره‌ک. سبزه‌وات و میوه‌لر نینگ ایکیلیشی‌ده تغییرات کیلتیریشلری و باغ ده یخشی ایکینچیلیک عملیاتی نی عملگه آشیریشلری کیره‌ک.»
ایکینچیلیک سکتوری، اینگ اونملی اقتصادی منبع‌لردن بولیب و عایله‌لردن کمیده ۷۰ فایزی اینیقسه ولایت‌لرده بو بولیم‌ده ایشلش بیلن شغللنگنلر و بو یول آرقه‌لی نیازلرینی تامین قیله‌دیلر؛ لیکن ایکینچیلیک بولیمی‌ده ایشلش حاضرگچه سنتی شکلده دوام قیلماقده.