افغانستان اولاق لیگی اویینلری دوام اېتماقده اېکن، بو مسابقه‌لرنینگ یریم فاینلی گه سرپل، فاریاب یاشلری، بدخشان و یما پترول اولاق تیرمه جماعه‌لری یول تاپگنلر.
افغانستان اولاق لیگی یریم فاینل مسابقهلری بوگون (۲۴-قوس، شنبه) رسمی طرزده پایتخت کابل شهری حدودلریگه قره‌شلی «یکه توت» منطقه‌سیده باشلنه‌دی.
بیزلرنینگ فیسبوک صحیفه‌میزگه باش اورینگ!
یمال پترول اولاق تیرمه جماعه‌سی «الف» گروهی‌دن قندوز، فاریاب یاشلری و بغلان‌نی یوتیب توقیز امتیاز بیلن بیرینچی جماعه اوله‌راق یریم فاینل گه یول تاپدی.
بدخشان؛ سمنگان و بلخ یاشلری گه غلبه قازانیب و سرپل گه بای بیریب و «ب» گروهی‌دن آلتی امتیاز بیلن ایکّینچی جماعه صفتیده یریم فاینل گه یول تاپدی.
سرپل؛ «ب» گروهی‌دن بدخشان، سمنگان و بلخ یاشلری گه غلبه قازانیب و توقیز امتیاز بیلن بو مسابقه‌لرنینگ یریم فاینلی گه یول تاپگن.
بیزلرنینگ «ایکس» ترماغی ده هم تعقیب قیلینگ!
و فاریاب یاشلری اولاق تیرمه جماعه‌سی «الف» گروهی‌دن قندوز گه غلبه قازانیب، یما پترول گه مغلوبیت گه تن بیریب و بغلان بیلن مساوی قیلیب و تورت امتیاز بیلن، افغانستان اولاق لیگی یریم فاینلی گه یول تاپگن.
الف گروهی‌دن بیرینچی جماعه اولاق‌راق یریم فاینل گه یول تاپگن یما پترول، ب گروهی‌نینگ ایکّینچی جماعه‌سی بدخشان بیلن و ب گروهی‌دن بیرینچی بولیب کېلگن سرپل الف گروهی‌دن ایکّینچی بولیب بو مسابقه‌لرنینگ یریم فاینلی گه یول تاپگن فاریاب یاشلری بیلن بیلشه‌دیلر.
اوشبو اویینلرده غالب بولگن ایکّی جماعه، فاینل گه یول تاپه‌دیلر.
