ناروی مهاجرلر کینگش باش‌کاتبی یان اگلند، افغانستان گه قیلگن سفری جریانیده اسلام امیر‌لیگی اعضالریدن قطاری بیلن اوچره‌شیب و عیال‌لر نینگ قیته ایش و بیلیم یورت‌لر گه باریش‌لری خصوصیده تاکید قیلگن.
ناروی مهاجرلر کینگش باش‌کاتبی، بیر تویت آرقه‌لی ایتیشیچه، بیلیم یورت‌لر گه عیال‌لر نینگ باره آلمه‌یشی و نادولتی نهادلرده عیال‌لر ایشی توخته‌تیلگنی، ۶۰۰ مینگ باله نینگ تعلیم‌‌دن محروم بولیشی و ۱۴ میلیون کیشی ایسه عیال‌لر ایشی توخته‌تیلیشی دوامی‌دن زیان کوریشی گه سبب بوله‌دی.
بیزلرنینگ توییترده هم تعقیب قیلینگ!
شونده‌ی بیرحالده، اقتصاد ایش بیلرمانی نصیر‌احمد رشتیا، یشاوچیلر آره‌سیده قشاق‌لیک کوپه‌یشی گه اشاره قیلیب و ایتیشیچه: «بو رقم نینگ درست بولگنی و شونینگدیک سیاسی ملاحظه‌لر‌دن اوزاق بولیشی گه امید‌وار‌میز؛ بیراق اقتصادی نقطه نظر‌دن انسانی وضعیت نینگ خواطرلنتیرووچی بولگنی نی قبول قیله‌میز و بو وضعیت اوتمیش ییل‌لر نینگ محصولی هم دیر.»
عین حالده، اقتصاد وزیرلیگی سوزلاوچیسی عبدالرحمان حبیب نینگ ایتیشیچه، ناروی مهاجرلر کینگش باش‌کاتبی تامانیدن ارائه بولگن رقم، حکومت نینگ تصدیقی آستیده ایمس و نادارلیک کوپه‌یشی هم جماعه‌ده ایش‌سیزلیک کوپه‌یشی گه باغلیق دیر.
جناب حبیب نینگ کوپه‌یتیریشیچه:«ارایه بولگن رقم نی قبول قیلمه‌یمیز. قشاق‌لیک کوپه‌یگنی ایش یوقلیگی گه باغلیق دیر که اونینگ سببی هم ایچکی و خارجی دیر. دنیا جماعه‌سی خلق‌ارا تشکیلات‌لر پالیسی‌سی گه قرشی، یاردم‌‌لری نی سیاسی قیلمه‌یشی کیره‌ک.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، اقتصادی مسئله‌لر تدقیقات‌چیسی و بیلیم یورت اوقیتووچیسی بهمن یوسفی، افغانستان ده یامان انسانی وضعیت گه اشاره قیلیب و ایتیشیچه، خلق‌ارا نهاد‌لر نینگ آماری میدانی تدقیقات‌لر اساسیده ارائه بولگن و حقیقی دیر.
ایتیش کیره‌ک که، عیال‌لر تحصیلی و شونینگدیک خارجی و ایچکی نادولتی نهادلرده عیال‌لر ایشی توخته‌تیلیشی گه تیگیشلی، یاردم بیرووچی تشکیلات‌لردن کوپ قطاری، افغانستان ده فعالیتی نی توخته‌تگن که، اوشبو ایش مذکور مملکت‌ده انسانی فاجعه نینگ اورته گه کیلیشی خصوصیده خواطرلر نی کوپه‌یتیرگن دیر.