کېریش
سلام‌وطندار رادیوسی «امید» دستوری بیلن افغانستان یاشلرینی قۉللب-قوتلب و اولرنینگ احوالینی یخشی‌لش گه امکانیت یره‌تیب بیرگن. بو دستور یاشلرنینگ روحیه‌سینی آشیریش، تحصیل و ایش امکانیت‌لرینی یره‌تیش و اولرنینگ کونده‌لیک قیینچلیک‌لرینی حل قیلیش غایه بیلن تشقری سوراو و معلوماتی تحلیل‌لر آرقه‌لی یاشلرنینگ احوالینی تېکشیریب و اولرنینگ قیینچیلیک‌لرینی حل قیلیش مقصدیده عملی و ایجابی ییچیم یول قیدیریش گه باشله‌گن.
بونگه قۉشیمچه، سلام‌وطندار ۲۴ ساعت‌لیک تیلیفون رقمی بیلن یاشلر گه اۉز قیینچیلیک‌لرینی آچیقلب و متخصص کیشی‌لردن یاردم سوره‌ش امکانیتینی یره‌تگن. تیلیفون رقم آرقه‌لی حاضرگه قدر ۲۷۶ یاش گه مصلحت بیریلیب و ۱۹ کیشی‌نینگ قیینچیلیگی بوتونلی حل بولگن.
سلام‌وطندارنینگ اوشبو دستور خادملری مرکز و ولایت‌لرده تینیم‌سیز سعی-حرکتلری بیلن سلام‌وطندار «رادیوسی»نینگ جانلی دستوری آرقه‌لی افغانستان مقیاسیده مینگلب یاش گه امید پیامی و ینگی فرصت امکانیتینی یېتکزماقده.
شونینگدیک، سلام‌وطندارنینگ یاشلر احوالینی تېکشیریش گه دایر سوراولری اساسیده، سۉنگی ییللرده افغانستاندهگی یاشلر اقتصاد، وظیفه، کلتور، تعلیم و جمعیتده تورلی معمالر بیلن روپه‌ره بولگنلر. سیاسی و اقتصادی اۉزگریش، کونسه‌یین یره‌تیله‌یاتگن چېکلاولر و اجتماعی انقراض‌لر بو مملکتده یاشلرنینگ حیاتی گه چقور تأثیر قویگن. افغانستان مقیاسیده سلام‌وطندارنینگ کېنگ کولملی سوراولری و یوزلب ییگیت بیلن اۉتکزگن صحبت‌لری، یاشلرنینگ حاضرگی احوالیدن تولیق تصویر بیره‌دی. بو گزارش‌لر اساسیده، ایش‌سیزلر سانی کوپ‌لیگی، مالی مستقل‌سیزلیک، تعلیم و تحصیل قیینچیلیگی، حقوقی معمالر و ایش بازاریده‌گی امکانیت‌لردن فایده‌لنه آلمسلیک یاشلرنینگ حیاتی گه تأثیر قوییب و تورلی ساحه‌لرده اولرنینگ قره‌شی و فکرلری اۉزگریشی و خواطرلری گه سبب بولگن. باشقه تاماندن، بوتون یره‌تیلگن چېکلاولر و قیینچیلیک‌لر بیلن، افغانستاندهگی یاشلر ایجادکارلیک، نوآورلیک و ایش فرصتلرینی یره‌تیش بیلن اۉزلری و جمعیت احوالی یخشی‌لنیشی اوچون ینگی یوللرنی اېزلش گه سعی-حرکت قیلماقده‌لر.
گزارش‌لرنینگ خلاصه‌سی
سلام‌وطندار حاضرگه قدر یاشلر بولیمیده اوشبو میلادی ییل‌نینگ اپریل آیدن اکتوبر آی یکونی‌گه قدر، تورلی توقیز ساحه‌ده یاشلر حقیده معلوماتی ۲۹ گزارش تیارله‌گن. سلام‌وطندار اوشبو ۲۹ گزارش‌ده تورت مینگ ۴۳۶ یاشدن تحصیل درجه‌سی، یاش، جندر و اشتراک اېتگنلرنینگ سانینی ولایت‌لر اساسیده تېکشیرگن.
سلام‌طندارنینگ بو ۲۹ گزارشی اساسیده، اشتراک اېتگن بیر مینگ ۹۶۶ یاش که ۴۵.۸ فایزنی تشکیل بیره‌دی لیسانس، بیر مینگ ۱۰۰ کیشی که ۲۵.۷ فایزنی تشکیل بیره‌دی ۱۲-صنفدن فارغ بولگن، ۵۰۴ کیشی که ۱۱.۸ فایزنی تشکیل بیره‌دی سوادسیز دیر. شونینگدیک، ۳۴۵ کیشی که ۸ فایزنی تشکیل بیره‌دی طلبه، ۱۹۲ کیشی که ۴.۵ فایزنی تشکیل بیره‌دی ۱۲-صنفدن فارغ بولگن، جواب قیترگنلرنینگ ۹۸ نفری که ۲.۳ فایزنی تشکیل بیره‌دی ماستر، ۶۷ کیشی که ۱.۵ فایزنی تشکیل بیره‌دی اوقووچی و باشقه ۱۶ نفری که ۰.۴ فایزنی تشکیل بیره‌دی دکتورا دیر. اشتراک اېتگنلردن ۱۴۶ کیشی، تحصیل درجه‌لری حقیده هېچ نرسه دیمه‌گنلر.
سوراو گه اشتراک اېتگنلر تورلی یاش‌ده بولیب و ۴۱.۳ فایزی ۲۰-۲۵ یاشر، ۲۳.۲ فایزی ۱۵ دن ۲۰ یاشر، ۲۳.۵ فایزی ۲۵ دن ۳۰ یاشر و ۱۲ فایزی ۳۰ دن ۳۵ یاشر بولگنلر.
بو سوراولرده اشتراک اېتگنلرنینگ ایرکک و عیال بولگن‌لیگی تېکشیریلگن، اولر ارا ایکّی مینگ ۱۰ کیشی که ۴۵.۳ فایزنی تشکیل بیره‌دی قیزلر و ایکّی مینگ ۳۸۵ کیشی که ۵۳.۸ فایزنی تشکیل بیره‌دی ییگیت‌لر دیر، باشقه ۳۹ کیشی که ۰.۹ فایزنی تشکیل بیره‌دی بو سوراق‌لر گه جواب قیترمه‌گنلر.
بو سوراولر افغانستان‌نینگ ۳۴ ولایتیده اۉتکزیلگن کابل ۳۳.۷ فایز بیلن بیرینچی، جوزجان ۵.۹ فایز بیلن ایکّینچی، بدخشان ۵.۷ فایز بیلن اوچینچی، تخار ۴.۹ فایز بیلن تورتینچی و کاپیسا ۴.۶ فایز بیلن بیشینچی و نورستان ولایتی ۰.۱ فایز بیلن اخیرده قرار تاپگن.
بونگه قۉشیمچه، سلام‌وطندار ۲۴ ساعت‌لیک یاردم چیزیغی بیلن یاشلر گه اۉز قیینچیلیک‌لرینی آچیقلب و متخصص کیشی‌لردن یاردم سوره‌ش امکانیتینی یره‌تگن. تیلیفون رقم آرقه‌لی حاضرگه قدر ۲۷۶ یاش گه مصلحت بیریلیب و ۱۹ کیشی‌نینگ قیینچیلیگی بوتونلی حل بولگن.
سلام‌وطندارنینگ معلومات‌لری اساسیده، افغانستان یاشلری‌نینگ اقتصادی و ایش احوالی اینیقسه سۉنگی سیاسی اۉزگریش و ایش بازاریگه یره‌تیلگن چېکلاولردن کېین انقراضلی بولگن. شرایط گه تېنگ ۶۰ فایز یاشلر ایش‌سیز بولیب و شایسته‌سالارلیک، وظیفه بیلن تحصیل تېنگ‌سیزلیگی و ضعیف همده خره‌جتی یوقاری انترنت کبی آست قورمه قیینچیلیک‌لری بیلن دوچ‌لر.
جمعت و فرهنگ ساحه‌سیده، یاشلر داوطلب‌لیک دستورلر گه اشتراک اېتیش و عنعنه‌وی حیات گه قۉشیمچه ینگی تیریکچیلیک اسلوبی حقیده فکر-ملاحظه‌لرینی بیلدیرگنلر. شهرلیک یاشلردن کوپینچه‌سی کوپ خاتین‌لیکّه قرشی‌لیک کورسه‌تیب کیچیک و تینچ عایله بولیشی گه تأکید اېتگنلر. فرهنگی و اجتماعی قیینچیلیک اولرنینگ اجتماعی دستورلرده اشتراک اېتیش‌لری اوستیگه سلبی تأثیر قوییشی گه سبب بولگن.
حقوق ساحه‌سیده‌گی تېکشیرو اساسیده، یاشلر اینیقسه قیزلرنینگ حقوقی عایله‌لری تامانیدن کوزگه توتیلمه‌گن. تحصیل‌دن باشقه ساحه‌لرگچه، اولرنینگ بیر بولیمی اقتصادی قیینچیلیک، عایله تامانیدن قۉللب-قوتلنمسلیک و سیاسی بی‌قرارلیک‌دن عبارت دیر. اوشبو ییلده کانکور سیناوی گه قتنشگن ییگیت‌لر سانی یریم گه کمه‌یگن و کوپینچه یاشلر مهاجر بولیش مقصدی بیلن تشقی تیللرنی اورگه‌نیش گه یوز کېلتیریب و لوازملری احوالی یخشی‌لنیشگه علاقه کورستمه‌گنلر.
شونینگدیک، ساغلیق و سپورت ساحه‌سیده، سپورت گه قیزیقیش کوپه‌یگن، بیراق یاشلر امکانیت آزلیگی و مالی حمایت بولمسلیک‌لری اوچون دایمی طرزده سپورت قیله آلمه‌یدیلر. بو گزارش‌لر سپورت آست قورمه‌لری یخشی‌لنیشی و کوپراق امکانیت‌دن فایده‌لنیشگه اشاره قیله‌دی.
نهایت ینگی تکنالوژی بولیمی، افغانستانده یاشلرنینگ تکنالوژی گه قیزیقیش‌لری آشگن، بیراق انترنت‌دن یخشی فایده‌لنه آلمسلیک و مناسب فرصت‌لر یوق‌لیگی، یاشلرنینگ تکنالوژی‌دن یخشی فایده‌لنه آلمسلیک‌لری گه سبب بولگن.
مهاجرت ساحه‌سیده، افغانستان‌لیک یاشلر اقتصادی و امنیتی انقراض طفیلی، مملکت‌دن تشقری یخشی فرصت‌لرنی اېزله‌یدیلر. یخشی وظیفه و تحصیل فرصتلری یوق‌لیگی، عایله‌لرنینگ حمایتی کمه‌یشی و ناتینچ‌لیک، یاشلرنینگ مملکت‌نی ترک اېتیش مهم عامللریدن اته‌لگن.
اویین-کولگو ساحه‌سیده، اجتماعی مناسب‌سیز احوال طفیلی اوی و آنلاین اویین-کولگو گه قیزیقیش کوپه‌یگن. یاشلر اۉرته‌سیده اجتماعی ترماق‌لر گه علاقه آشگن و اولرنینگ کوپینچه‌سی بو آنلاین پلتفرملردن اورتاق‌لری بیلن فکر-ملاحظه‌لرینی المشتیریش و علاقه قوریش اوچون فایده‌لنه‌دیلر.
یاشلرنینگ اقتصادی و ایش شرایطی احوالیدن تصویر
سلام‌وطندارنینگ آلتی گزارش‌ده ۲۲۱ کیشی بیلن اۉتکزگن صحبتی اساسیده، افغانستانده یاشلرنینگ وظیفه و اقتصادی احوالی اینیقسه سۉنگی سیاسی اۉزگریش‌لردن کېین یره‌تیلگن چېکلاولر و بیرقطار نهادلرنینگ یاپیلیشی طفیلی بحرانلی‌راق بولگن. اولرنینگ ۱۵ نفری آنلاین ایش بیلن مصروف دیر، ۱۰ نفری ایش یره‌تیش و باشقه ۳۰ نفری بوتونلی ایش‌سیز دیر. شونینگدیک، ۲۰ یاش بیلن مالی مستقل‌لیک اثرلری، ۱۱۲ یاش بیلن ایشلری و تحصیل تېنگ‌لیگی حقیده صحبت اۉتکزیلگن. باشقه ۳۴ یاشدن اوقیش یانیده مسلک اورگه‌نیش حقیده سوره‌لگن. اوشبو گزارش‌لردن بیری گه کوره، حاضرگی کونده ایش‌سیزلیک میزانیگه قره‌گنده ایش شرایطی گه تېنگ قریب ۶۰ فایز یاشلر ایش‌سیز دیر. سیاسی اۉزگریش، ایش گه یره‌تیلگن چېکلاولر، شایسته سالارلیک نظرگه توتیلمسلیگی، تحصیل گه تېنگ ایش فرصتلری آزلیگی و کرونا ترقه‌لیشی بو بحران‌لر کوپه‌یشی گه سبب بولگن. عیاللر اینیقسه کوپراق چېکلاولر بیلن روپه‌ره بولیب و اولرنینگ کوپینچه‌سی ایش‌سیز دیر. انترنت ضعیف‌لیگی و خره‌جتی یوقاری‌لیگی و دولت تامانیدن قۉللب-قوتلنمسلیک یاشلرنینگ اقتصادی فعالیت‌لرینی ایش یره‌تیش جای‌لرده قیینچیلیک بیلن دوچ قیلگن.
بو گزارش‌لر گه بناً، ایش‌سیزلیک و مالی مستقل‌سیزلیک، اقتصادی و اجتماعی قیینچیلیک‌لر گه قۉشیمچه، یاشلر اۉرته‌سیده ایشانچ‌سیزلیک و استرس‌لری آشیشی گه سبب بولگن. شو بیلن بیرگه، ایجادکار یاشلردن بیرقطاری، آنلاین، مسلک اورگه‌نیش و ایش یره‌تیش گه یوز کېلتیریب و اۉزلری اوچون ینگی مالی فرصت‌لرنی ایجاد اېتگنلر. بو ایشلر الکترونیک تجارت، قول صناعتی‌ده فعالیت قیلیش و بوگونگی بازارلرنینگ احتیاجلری گه قره‌ب کسب‌وکار ایجاد دن عبارت دیر. دولت‌هم یاشلرنی ایش بیلن تأمینلش اوچون ظرفیت‌لرنی آشیریب و ایش فرصتلرینی یره‌تیش اوچون سعی-حرکت قیلماقده، بیراق ایش‌سیزلرنینگ سانی کوپ‌لیگی، ایش چېکلاولری و آست قورمه قیینچیلیک‌لری گه قره‌گنده بو اقداملر یېترلی کورینمه‌ی و کوپراق قۉللب-قوتلش و آست قورمه‌لر یخشی‌لنیشی سېزیله‌دی.
سونگی ییللرده افغانستان ده ییگیت‌لر آنلاین ایشلر گه کوپراق قیزیققنلر
ایش یره‌تیش اوچون سعی-حرکت؛ «ایشنی ۹۰ دالر بیلن باشله‌دیم»
سلام‌وطندار نینگ تېکشیرووی؛ جمهوریت قولشیدن سۉنگ کوپ سانده ییگیت‌لر ایش‌سیز بولگن
مالی مستقل‌لیک و تیریکچیک که تأثیری؛ «احتیاجیم بولگن نرسه‌نی قولگه کېریتیش گه اولگوردیم»
سلام‌وطندار نینگ سوراو نتیجه‌سی؛ یاشلر نینگ ۲۳.۳ فایزی تحصیللری گه ضد ایشله‌یدیلر
تحصیل قیلگن یاشلردن قطاری: کسب اورگه‌نیش اقتصاد گه یاردم بیره‌دی
یاشلرنینگ فرهنگی و اجتماعی ایشلری
حاضرگی دنیاده اجتماعی و فرهنگی اۉزگریش‌لرنی تجربه قیلماقده‌میز، یاشلر جمیت‌نینگ کوچی صفتیده کېله‌جک‌نی شکللنتیریش‌ده روللری کوپ دیر. شونی اوچون سلام‌وطندار، تورت گزارش‌ده (مخصوص کونلردن نشانلش، تیریکچیلیک اسلوبی، اجتماعی فعالیت و یاشلرنینگ کوپ خاتین‌لیکّه قنده‌ی قره‌شی) و بیر مینگ ۴۴۴ یاش بیلن فرهنگ و جمعیت ایشلریده یاشلرنینگ فکر-ملاحظه‌لرینی تېکشیرگن.
اولر ارا ۷۰ یاش داوطلب‌لیک برنامه‌لرده اشتراک اېتیش اوچون قیزیقیش‌لری حقیده، ۸۰۰ یاش کوپ خاتین‌لیکّه قنده‌ی قره‌شی، ۲۰ یاش هییت کونلری گه قیزیقیش‌لری و ۵۵۴ یاش هم تیریکچیلیک اسلوبی حقیده اۉز فکر-ملاحظه‌لرینی بیلدیرگنلر.
اوشبو گزارش‌لرنینگ نتیجه‌سی اساسیده، یاشلرنینگ اقتصادی و شخصی حقوقی وضعیتنی درک اېتیش بیلن فرهنگی و اجتماعی مسئله‌لر گه قره‌شی همان اۉزگرماقده و شخصی موفقیت اوچون جندر تېنگ‌لیگی‌دن تأثیرلنماقده دیر. معلومات‌لر گه بناً، کوپینچه یاشلر اینیقسه شهرلیک یاشلر کوپ خاتین‌لیکّه قرشی دیر. شهرلیک ۸۷.۹ فایز یاشلر و قیشلاق‌لیک ۶۴ فایز یاشلر بو موضوع نی رد اېتگنلر. ایش‌سیزلیک و مالی قیینچیلیک کبی اقتصادی و اجتماعی عامللر، کوپ خاتین‌لیکنی قبول قیلیش اصلی معمالریدن بولگن، چونکه ایرککلر کوپ خاتین‌لیک احتیاجلرینی تأمینلش گه قادر اېمس‌لر و خاتین‌لری اۉرته‌سیده عدالت‌نی رعایت اېته آلمسلیک عاطفی و روحی قیینچیلیکّه سبب بوله‌دی شونی اوچون افغانستان‌نینگ یاش نسلی بیر خاتین بیلن قۉشمه تیریکچیلیک قیلیش، دایمی و تېنگ عایله قوریش گه قیزیقماقده‌لر.
شونینگدیک، سلام‌وطندارنینگ معلومات‌لری اساسیده، سۉنگی اوچ ییلده افغانستاندهگی یاشلرنینگ فرهنگی و اجتماعی احوالی کوپ قیینچیلیک بیلن روپه‌ره بولیب و اولرنینگ اجتماعی داوطلب‌لیک دستورلر گه اشتراک اېتیشی اوستیگه تأثیر قویگن. بو دستورلرگه قتنه‌شیش‌نینگ کمه‌یش اصلی دلیلی اجتماعی و فرهنگی چېکلاولر، آگاهی‌سیزلیک، جمعیتده بیزاوته بولیش، ایش‌سیزلیک، مهاجرت و عایله‌لر تامانیدن قۉللب-قوتلنمسلیک دیر. باشقه تاماندن گزارش‌لر گه بناً، کوپینچه یاشلر ینگی و قدیمی تیریکچیلیک اسلوب‌دن قۉللـه‌نیشنی اېسته‌یدی، اولر ایش و اوقیش همده تیریکچیلیک بویوملرینی تیارلش اوچون ینگی اسلوب دن فایدهلنیش گه قیزیقه‌دی بیراق عایله قاعده‌لرینی رعایت قیلیش، فرهنگی کونلردن نشانلش، موسیقه و کییم-کیچک تنلش‌ده بو ایکّی اسلوب‌نی اېزله‌یدیلر.
معلومات‌لر اساسیده، یاشلر حاضر هم فرهنگی مناسبت‌لر گه قیزیماقده و هییت همده باشقه مناسبتی کونلردن نشانلشنی اېسته‌یدیلر.
هییت نی نشانلش؛ «اورتاق‌لریم بیلن پغمان و باغ بالا باره‌من»
سلام‌وطندار نینگ سوراوی؛ یاشلر حیاتلریده سنتی و زمانه‌وی اسلوب‌لرنی کېریتیش گه حرکت قیلماقده
یاشلر نینگ اجتماع ده‌گی داوطلب‌لیک فعالیت‌لرده اشتراک اېتیش اوچون اشتیاق‌لری یوق
هر ۱۰ یاش دن سکیزته‌سی کوپ خاتین‌لیکنی قبول قیلمه‌یدی
یاشلر و حقوقی قیینچیلیک‌لر
سلام‌وطندار یاشلرنینگ «تنلش حقی، تورموش قوریش حقی و یاش زوج‌لرنینگ خصوصی حریمی» ساحه‌سیده‌گی اوچ گزارشی اساسیده، افغانستانده بولرنینگ حقوقی احوالی اینیقسه قیزلرنینگ خواطرلی دیر، چونکه اولرنینگ کوپینچه‌سی تورموش قوریش، اوقیش و ایشلش کبی اساسی حق‌لرینی تنلشدن محروم دیر. سوراو گه قتنشگن ۸۸ یاشدن کوپینچه‌سی اقتصادی و فرهنگی قیینچیلیک طفیلی تورموش اورتاغینی تنلش ده قیینچیلیک بیلن دوچ بولیب و قۉشمه تیریکچیلیک قیلیش اوچون مستقل اېمس‌لر و ایریم موردلرده حتا ینگی تشکیل تاپگن عایله‌لرنینگ اساسی حقوقی و خصوصی حریمی عایله بویوک‌لری و قرینداش‌لری تامانیدن نقض اېتیله‌دی و بو ایش کوپینچه اویلی ییگیت‌لرنینگ تورموش قورگنیدن پشیمان بولیشی گه سبب بولگن.
شونینگدیک تنلش حقی خصوصیده‌گی معلومات‌لر اساسیده، یاش قیزلر کوپراق بو حق‌دن محروم دیر و عایله‌لر مهم قرار قبول قیلیش حقینی قیزلردن آلگن. شونی اوچون حرمت قیلیش و قۉللب-قوتلش فرهنگی نهادینه بولیشی سېزیله‌دی.
افغانستان ده قیزلر ییگیت‌لر گه نسبتن کوپراق تنلاو حقیدن محروم دیر
اقتصادی قیینچیلیک یاشلر نینگ تورموش قوریش اونگیده‌گی یگانه معما
یاشلر نینگ قۉشمه حیاتیده اره‌لشیش؛ «بویداق‌لیک یخشی اېدی دیب اویله‌ی من»
یاشلر و شخصیت‌نی رواجلنتیریش
سلام‌وطندار اوچ گزارشیده «هدف، الگو تنلش و الگولرنینگ تأثیری» حقیده ۹۵۹ یاش بیلن صحبت قیلیب و افغانستانده یاشلر شخصیتینی رواجلنتیریش جریانینی عکس اېتّیریش گه سعی-حرکت قیلگن، گزارش‌لر گه بناً، تورلی عامللر افغانستانده یاشلر شخصتینی رواجلنتیریش جریانی گه تأثیر قویگن و بو عامللردن بیرقطاری، یاشلرنینگ شخصی و جمعی کیم‌لیگی شکللنیشی گه سلبی تأثیر قیلگن. سلبی عامللر انیق غایه بولمسلیگی، تعلیم گه یره‌تیلگن چېکلاولر، اقتصادی قیینچیلیک و کېله‌جکّه امیدسیزلیک‌دن عبارت دیر و بوتونلی ایتیش ممکن افغانستان گه حاکم اجتماعی، اقتصادی و سیاسی احوال یاشلرنینگ ترقیاتی اوچون فرصت‌لر آز یره‌تیلیشی گه باعث بولگن.
شو بیلن بیرگه، گزارش‌لر اساسیده، یاشلرنینگ شخصیتی شکللنیشی گه دایر مثبت تأثیرلر هم بار و کوپینچه یاشلر برچه قیینچیلیک‌لر گه اعتبار بیرمسدن اۉزلری اوچون الکو تنله‌گنلر و اولر بیلیم، اخلاق و بحرانلرنی باشقریش ساحه‌لریده موفق شخصیت‌لردن عبارت دیر. بو تنلاو مستقیم طرزده اولرنینگ انگیزه آلیشی و ترقیاتی گه یاردم بیریب و اولرنینگ انیق غایه‌لری تامان یېتکله‌شیگه سبب بولگن.
عموم آلگنده، افغانستانده یاشلرنینگ شخصیتی رواجلنیشی مستقیم طرزده اجتماعی، اقتصادی و تعلیم شرایطی گه باغلیق دیر. تعلیم، وظیفه و آگاهی‌لیک اوچون مناسب فرصت‌لر یره‌تیلگن حالده، یاشلر شخصی و اجتماعی ترقیات تامان یوللـه‌نیب و موفقیت‌لری اوچون مثبت و انیق الگولرنی تنلشلری ممکن.
سلام‌وطندار نینگ تېکشیرو نتیجه‌سی؛ ۳۹.۱ فایز یاشلر تیریکچیلیک‌لریده هدف‌لری یوق‌لیگینی اېته‌دی
سلام‌وطندار نینگ سوراو نتیجه‌سی؛ ۸۴.۷ فایز یاشلر حیاتلریده الگو تنله‌گنلر
«انگیزه آلیشیم و کوپراق تلاش قیلیشیمگه نیک ووییچیچ» الگو بولدی
تعلیم-تحصیل فرصتلری و قیینیچلیک‌لری
سلام‌وطندار تورت گزارش‌ده یاشلرنینگ تحصیل شرایطینی تېکشیریش اوچون ۴۳۷ یاش بیلن صحبت اۉتکزگن. کانکور سیناوی گه اشتراک اېتگنلرنینگ نتیجه‌سی و یاشلرنینگ صحبتی اساسیده، افغانستانده تحصیل جریانی سېزیلرلی درجه ده کمه‌یگن. بو گزارش‌لرده یاشلرنینگ تحصیل گه قیزیقمسلیگی تېکشیریلگن و معلومات‌لر گه کوره، قیزلرنینگ تحصیلی گه یره‌تیلگن چېکلاولر، سۉنگی ییللرده‌گی سیاسی شرایط و یاشلرنینگ امیدوارلیگی گه اونینگ تأثیری، اقتصادی معمالر و فرهنگی توسیق‌لر و اوقووچی باله‌لریدن عایله‌لردن بیرقطاری‌نینگ حمایت اېتمسلیگی، یاشلرنینگ تحصیل جریانی تورلی قیینچلیک بیلن روپه‌ره بولیب و نهایت یاشلرنینگ قیزیقمسلیگی گه سبب بولگن.
اوشبو ییل کانکور سیناوی گه اشتراک اېتگنلر حقیده سلام‌وطندارنینگ گزارش‌لریدن بیری گه کوره، اوشبو سیناو گه اۉتگن ییل گه نسبتن ییگیت‌لر آز قتنشگن.
شونینگدیک، مذکور گزارش‌لردن باشقه بیری‌نینگ معلوماتی اساسیده، یاشلرنینگ خارجی تیللرنی اورگه‌نیش گه قیزیقیشی کوپه‌یگن و بو یاشلر تشقی تیللرنی اورگه‌نیش اوچون قیزیقیش‌لرینی مهاجرت و مملکت ایچیده‌گی تشقی مملکتلرنینگ اداره‌لریده ایش آلیش فرصت‌لریدن فایدهلنیش عنوان قیلگنلر.
باشقه تاماندن، بو گزارش‌لرده کتاب‌خوان‌لیک میزانی تېکشیریلگن و نتیجه‌لر یاشلرنینگ کتاب‌خوان‌لیک انگیزه‌سی کمه‌یگن‌لیگیدن درک بیره‌دی.
سلام‌وطندار نینگ معلوماتی؛ کانکور اشتراکچیلری سانی یریم گه کمه‌یگن
تعلیم دن قالگن یاشلر رقمینی تېکشیریش و جمعیت اوچون سلبی عاقبتی
جرمنی گه باریش اوچون بو مملکت تیلینی اورگه‌نیش کورسینی اوقیماقده من
اوقیش گه قیزیقیش کمه‌یشی؛ یاشلردن بیرقطاری: اوقیش گه هېچ قیزیقمه‌ی من
یاشلر اۉرته‌سیده سپورت و ساغلیق
سلام‌وطندار تورت گزارش‌ده ساغلیق و سپورت ساحه‌لرینی تېکشیریش اوچون ۸۱۶ ییگیت بیلن صحبت قیلگن، اولر سپورت گه قیزیقیش‌لرینی اېتگنلر؛ بیراق اولر بو ایشنی کونده‌لیک کون ترتیبی گه کېریتیش اوچون وقت آزلیگی، مالی قیینچیلیک و عایله‌لر تامانیدن قۉللب-قوتلنمسلیگی دیگنلر. اوشبو یاشلرنینگ ۷۵۱ نفری که ۶۵ فایزنی تشکیل بیره‌دی سپورت گه قیزیقیش، ۴۵ فایزی اقتصادی، اجتماعی قیینچیلیک و امکانیت آزلیگینی سپورت قیله آلمسلیک دلیلی اته‌گنلر. جندر فرقلری هم انیق؛ ییگیت‌لر کوپراق بدنی کوچ‌نی آرتیریش اوچون سپورت قیلیش‌لرینی اېتگن، عین‌حالده قیزلر تنه‌لری گوزه‌ل بولیشی اوچون سپورت قیلیش‌لرینی اېتگنلر.
شو بیلن بیرگه، معلومات‌لر افغانستانده سپورت رواجلنگنیدن درک بیره‌دی، موجود قیینچیلیک و چېکلاولر بیلن، یاشلر کوپراق سپورت مسابقه‌لری گه قیزیقیب و حکومت هم سپورت بیرقطار بولیملرینی قۉللب-قوتلش اوچون ایجابی برنامه‌لرنی نظرگه آلگن.
گزارش، افغانستانده سپورت رواجلنگنی و سۉنگی اوچ ییلده یوکسه‌لگنیدن خبر بیره‌دی، جمله‌دن سپورت مسابقه‌لری و امکانیت یخشی‌لنگنی. عموم آلگنده، بو گزارش تیریکچیلیک اسلوبی اۉزگریشی، آگاهی‌لیک بیریش یخشی‌لنگنی و یاشلرنینگ ساغلیق و سپورت قیینچلیک‌لری گه قرشی کوره‌ش اوچون اجتماعی و سپورتی شرایط یره‌تیلیشی گه تأکید اېته‌دی.
شونینگدیک، یاشلرنینگ ساغلیق احوالی تېکشیریلگن، یاشلر اۉرته‌سیده کېکسه‌لیکّه دایر کسل‌لیکلر ترقه‌لماقده و سببی هم سپورت قیلمسلیک، یخشی آوقت‌لنمسلیک، روحی باسیملر و اضافه وزن دیېلگن.
یاشلر حیاتیده سپورت نینگ رولینی تېکشیریش
سپورتچیلردن بیرقطاری افغانستانده سپورت رواجلنگنینی اېته‌دیلر
«قیغولردن قاچیش اوچون زیگپ و ترامادول‌دن فایده‌لنه‌من»
یاشلر و تکنالوژی
سلام‌وطندار اوچ گزارش‌ده «یاشلرنینگ تکنالوژی‌دن فایده‌لنیشی، یاش زوج‌لر اۉرته‌سیده اجتماعی ترماق‌لردن فایدهلنیش تأثیری و یاشلرنینگ هوشمند مبایل‌لردن فایده‌لنیشی» حقیده ۱۲۷ یاش بیلن صحبت قیلگن، افغانستانده یاشلر تکنالوژی دن بیرتور فایده‌لنمه‌یدیلر. بیر تاماندن تکنالوژی ترقیات و موفقیت اوچون فرصت یره‌تیشی ممکن، باشقه تاماندن، انترنت ضعیف‌لیگی و اوندن یخشی فایده‌لنمسلیک، یاشلرنینگ اجتماعی و روحی تیریکچیلیگیده جدی قیینچیلیک تاپیلیشی گه سبب بولیشی ممکن.
افغانستان ده ییگیتلردن قطاری: تکنولوژی و اینترنت‌دن کوپ فایده‌لنه آلمه‌یمیز
سلام‌وطندار نینگ تېکشیرووی؛ تکنالوژی دن قوللنیش یاشلر نینگ قۉشمه حیاتی یخشی‌لنیشی گه یاردم بیرگن
یاشلر و هوشمند تلفون‌لر؛ قونغیراق قیلیشدن تعلیمی برنامه‌لرنی اېزلشگه قدر
یاشلر و اویین-کولگو
سلام‌وطندار یاشلرنینگ اویین-کولگولری همده اېستکلری گه تېنگ تفریح قیلیش قنده‌ی‌لیگینی تېکشیریش اوچون مملکت ۱۱ ولایتیده ۳۳ یاش بیلن صحبت اۉتکزگن. اوشبو صحبت اساسیده، بو یاشلرنینگ ۲۵ نفری سالم اېستکلری گه تېنگ تفریح قیله‌دیلر. تفریحی مکان‌لر آزلیگی، کمبغل‌لیک، ایش‌سیزلیک و یره‌تیلگن چېکلاولر یاشلرنینگ یخشی تفریح قیله آلمسلیگی گه سبب بولگن. صحبت قیلگنلر، عیاللرنینگ سپورت قیلیشی اوچون تفریحی مکان‌لر اولرنینگ یوزی گه آچیلیشینی اېسته‌گنلر. جمعیت‌شناس و روان‌شناس‌لر گه کوره، تفریح قیلیش روحی سلامت‌لیک اوچون ضروری دیر. عیال حقوقی فعاللری، عیاللر یوزیگه تفریحی مکان‌لر آچیلیشینی سوره‌گنلر. سرپرست حکومت مسئوللری اینیقسه کابل بلدیه‌سی و المپیک کمیته‌سی، کابلده ۱۴۱ پارک فعال بولیب و تفریح قیلیش شرایطی یخشی‌لنیشی اوچون ریجه اوستیگه ایش آلیب بارماقده‌لیک‌لرینی اېتگنلر.
سلام‌وطندار نینگ ۳۲ یاش بیلن صحبتی؛ ۲۵ ته‌سی اۉز اېسته‌گی اویینلرنی اوینه آلمسلیگینی اېتگن
یاشلر و مهاجرت
سلام‌وطندارنینگ کابلده ۳۱۲ عایله بیلن اۉتکزگن صحبتی اساسیده، اولرنینگ ۷۷ فایزی عایله اعضالریدن بیری‌نینگ مهاجر بولیشنی تجربه قیلگنلر. بو عایله‌لرنینگ اعضالری کوپراق سۉنگی اوچ ییلده اقتصادی قیینچیلیک، کېله‌جکدن امیدسیزلیک و امنیت‌سیزلیک باعث مهاجر بولگنلر. صحبت قیلگنلردن فایزی، یخشی تیریکچیلیک امکانیت‌لریدن فایدهلنیش اوچون افغانستان‌نی ترک اېتگنلر. جمعیت‌شناس‌لرنینگ ایشانچی گه کوره، مهاجرت افغانستان‌نینگ اقتصادی و ترقیاتی اوچون ایش کوچی گه جدی زیان یېتکزه‌دی. یاشلرنینگ مهاجر قیلیش انگیزه‌لرینی کمه‌یتیریش اوچون ایش برنامه‌لری، آزیق-آوقت مصونیتی، تعلیمی ریجه‌لر اوستیده ایشلش کېره‌ک.
عایله‌لر اۉرته‌سیده یاشلر نینگ مهاجر بولیش رقمینی تېکشیریش و اونینگ عاقبتلری
نهادلر بیلن هماهنگ بولیش
سلام‌وطندار، افغانستان و یاشلر برابریده اجتماعی مسئولیت‌لرینی عملگه آشیریش اوچون، تورلی ساحه‌لرده فعالیتی بولگن نهادلر، یاشلر اختیاریده قرار بیره‌دیگن فرصت‌لردن فایدهلنیش اوچون یاشلرنینگ احتیاجلرینی حل قیلیش مقصدیده بو نهادلر بیلن هماهنگ دیر. اوشبو معما حلی اوچون حقوق، روانی، تحصیل و ایش ساحه‌لریده فعالیتی بولگن بیش نهاد بیلن کېلیشگن. بو کېلیشوو ایش، تحصیل و تعلیم فرصتلرینی یاشلر گه یره‌تیب و کوپینچه یاشلرنی بو نهادلر گه تانیشتیریلگن.
یاردم چیزیغی (خط کمکی)
سلام‌وطندارنینگ یاردم چیزیغی، اوشبو میلادی ییل ۲۶-اپریل دن ۵-نومبر گه قدر ۲۷۶ قونغیراق و پیام یاشلردن قولگه کېریتگن. ۲۶۳ کیشی ایش، حقوق، ساغلیق، روان، تحصیل، سی‌وی توزه‌تیش ساحه‌لریده مصلحت سوره‌گنلر. ۱۳ کیشی «امید» دستوری گه قونغیراق قیلیب معلومات سوره‌گن. ۱۹ ولایت و کوپراق مرکزی حوزه دن قونغیراق قیلینگن.
۴۰ دن ۵۸ مرته قونغیراق قیلینگن. ۲۳۲ ییگیت و ۴۴ قیز قونغیراق قیلگنلر. یاشلر ایش، تحصیل، حقوق، روانی و ساغلیق بوییچه مصلحت‌لردن فایده‌لنگن و مصلحت‌لر بیریلگنیدن سۉنگ، ۱۹ کیشی قیینچیلیک‌لری حل بولگنیدن ممنونیت بیلدیرگن. «امید»، «جان‌جور»، «حق من»، «پرواز» کبی تورلی دستورلر و سلام‌وطندار توزیلمه‌سیدن تشقری نهادلر بیلن هماهنگ بولیب و یاشلرنینگ قیینچیلیک‌لری حلی اوچون یاردم بیرگن.
تکلیف‌لر
قویده‌گی تکلیف‌لر حقوق، جمعیت، تعلیم و تکنالوژی ساحه‌لریده یاشلرنینگ تیریکچیلیک احوالی یخشی‌لنیشی مقصدیده همده اولر ایشانچ تاپیش و کېله‌جکّه امیدوار بولیش و جمعیتده کوپراق روللری بولیشی اوچون بیریله‌دی.
حقوقی ساحه: حقوق ساحه‌سیده آگاهی‌لیک بیریش و قۉللب-قوتلنیش دستورلر یاشلر اوچون توزه‌لیشی کېره‌ک. کوپینچه یاشلر اۉز حقوق‌لریدن آگاه بولمسلیک‌لری اوچون اساسی حقوق‌لری نقض بولیش خطری بیلن دوچ بولگنلر. بو دستورلر اولرنینگ شخصی و اجتماعی حقوقی گه نسبتن آگاه‌لنتیریب و فایدهلنیش و حقوقی قیینچیلیک‌لر آلدینی آلیشی ممکن.
اجتماعی ساحه: عایله‌لر و حکومت اداره‌لریدن، جمعیتده یاشلرنینگ فعال حضوری اوچون مناسب شرایط یره‌تیش‌لری طلب قیلینه‌دی. معلومات‌لر گه کوره، عایله‌لر یا که حکومت تامانیدن یره‌تیلگن چېکلاولر، یاشلرنینگ اجتماعی فعالیت‌لرده کمراق اشتراک اېتیشی گه سبب بولگن. اجتماعی فعالیت اوچون زمینه یره‌تیلیشی و قۉللب-قوتلنگن حالده، جمعیتده حضور تاپیش و شخصی ترقیات اوچون اولر گه کوپراق انگیزه بیریش ممکن.
تعلیمی ساحه: یاشلر اوچون انگیزه بیریش و قۉللب-قوتلنیش دستورلر ایجاد بولیشی لازم. بو دستورلر کېله‌جک ده تحصیل گه امیدوار بولیشی و افغانستانده تعلیم صفتی یخشی‌لنیشی گه سبب بوله‌دی.
تکنالوژی ساحه: یاشلرنینگ ینگی تخنیکی امکانیت‌لردن فایده‌لنیشی آسان بولیب و انترنت صفتی یخشی‌لنیشی لازم. انترنت خره‌جتی کنترول و مناسب قاعده‌لر عملگه آشیریلیشی اینیقسه اجتماعی ترماق‌لردن فایدهلنیش اوچون یاش چېکلاولری تعیین بولیشی، انترنت‌دن یامان فایدهلنیش اونگی آلینیب و یاشلر تکنالوژی‌دن یخشی‌راق فایده‌لنیش‌لری ممکن.
