هرات ولایتی گلران تومنی نینگ «شکرآب» قیشلاغیده یوز بیرگن ایکینچی کوچلی زلزلهدن زیان کورگنلردن قطاری، وضعیت‌لری خصوصیده مسئوللر و یاردم بیرووچی نهاد‌لر نینگ دقتسیزلیگیدن شکایت قیلیب ایتیشلریچه، مذکور زلزلهدن ایکی هفته اوتگنی بیلن، حاضرگچه ییترلی یاردم قولگه کیلتیرمه‌گنلر. اولر نینگ کوپه‌یتیریشلریچه، اوشبو زلزله نتیجه‌سیده، برچه نرسه‌لری ویرانه‌لر آستی بولیب و حاضر ایسه اوزلری و باله‌لری نینگ قارنی نی تویغیزیش اوچون بیر لقمه نان‌لری هم یوق دیر.
شکرآب قیشلاغی یشاوچیسی گل‌احمد نینگ ایتیشیچه: «قلعه‌میز مکمل شکلده خراب بولگن، نرسه‌لریمیز دشت‌ده قالگن، ییگولیک ماده‌لریمیز ویرانه‌لر آستی بولگن، باله‌لریمیز نی ساووق اورگن، کونده اولر نی شخصی پولی‌میز بیلن درمان قیلیش اوچون تومن کسل‌خانه‌سی گه انتقال بیره‌میز.»
بیزلرنینگ «ایکس» ترماغی ده هم تعقیب قیلینگ!
شکرآب قیشلاغی یشاوچیلری نینگ ایتیشلریچه، عیال‌لری و باله‌لری هوا نینگ ساووق‌لیگی و باش‌پنه، آزیق-آوقات و سوو گه قول تاپه آلمه‌سلیک سبب تلف بولگنلر. اولر سرپرست حکومت و نهاد‌لردن اوشبو قیشلاغ یشاوچیلری گه ساغلیق یاردم‌لر و ییگولیک ماده‌لر یاردم بیریلیشی نی ایسته‌گنلر.
شکرآب قیشلاغی یشاوچیلریدن باشقه بیری عبدالشکور نینگ ایتیشیچه: «حکومت و تشقی نهاد‌لردن تیزلیککه بیزلر گه یاردم بیریلیشی نی ایسته‌یمیز؛ چونکه باله‌لریمیز و عیال‌لریمیز ساووق طفیلی تلف بولیب و تلف بولماقده‌لر.»
عین حالده، هرات ده یاردم‌لر نی تنظیم قیلووچی کمیته مسئوللری نینگ ایتیشلریچه، بوتون یاردم‌لر شفاف شکلده مذکور ولایت‌ده زلزلهدن زیان کورگن بولیم یشاوچیلری گه ترقه‌تیله‌دی.
اوشبو کمیته باشلیغی عبدالقدیر ناصر نینگ ایتیشیچه، عاجل یاردم‌لر زنده‌جان، گلران، رباط‌سنگی و انجیل تومنلریده زیان کورگنلر گه ترقه‌تیلگن. اونینگ کوپه‌یتیریشیچه: «زیان کورگنلر نینگ بیللی بولیشی اوچون، بیر قطار پلان‌لریمیز بار و کونده، ایشلاوچیلر سروی قیلماقده؛ بوندن آلدین هم یاردم‌لر ترقه‌تیلگن و زیان کورگن برچه یشاوچی گه هم یاردم‌لر نینگ ترقه‌تیلیشی ممکن.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، هرات ده زلزلهدن زیان کورگنلر قیین‌چیلیگی نی حل قیلووچی کمیسیون مسئوللری، مذکور زلزلهدن زیان کوگن تومن‌لر یشاوچیلریدن کوپینچه‌سی گه خیمه ترقه‌تیش و اوی قوریش خصوصیده همکارلیک ایسته‌گن.
اوشبو کمیسیون مسئولی محمدبشر حلیمی نینگ ایتیشیچه، حاضرگچه مذکور زلزلهدن زیان کورگن منطقه‌لر یشاوچیلریدن قطاری گه خیمه ترقه‌تیلمه‌گن. اونینگ کوپه‌یتیریشیچه: «حاضر ایسه ایکی نرسه گه کوپ نیازی‌میز بار، بیرینچی‌سی اوی قوریش؛ چونکه منطقه ساووق و خیمه‌ده حیات کیچیریلمه‌یدی و ایکینچیسی ایسه، زیان کورگن منطقه‌لرده‌گی یشاوچیلر اوچون خیمه کم‌لیگی دیر.»
ترقه‌تیلگن آمار اساسیده، هرات ده اوتگن ایکی هفته‌دن یوز بیرگن زلزله‌لر طفیلی، اوچ مینگ‌دن آرتیق یشش اوی ویران و ۱۲ مینگ‌دن آرتیق عایله زیان کورگن. شونینگدیک مذکور زلزله‌لر طفیلی، ۱۵۰۰دن آرتیق کیشی اولیب و ۲۰۰۰دن آرتیق کیشی ایسه یره‌لنگن.