اسلامی امارت سوزلاوچیسی ذبیح‌الله مجاهد، بوگون کابل شهری وزیر محمداکبرخان جامع مسجدی یقینیده اویوشتیریلگن پارتلش گه مناسبت بیلدیریب، اوز توییتری ده، مسجدلر و نماز اوقووچیلر نشانگه آلینیشینی کیچیریلمس جنایت دیگن دیب یازگن.
اسلامی امارت سوزلاوچیسی گه کوره: «جنایتچیلرنی یوق ایتیش اوچون ملت دولت بیلن همکار بولیش‌لری کیره‌ک.»
اوشبو پارتلش بوگون توش دن کیین (جمعه، ۱ میزان) تینچ اهالی آره‌سیده اویوشتیریلگن.
بیزلرنینگ فیسبوک صحیفه‌میزگه باش اورینگ!
کابل امنیه قوماندان‌لیگی نینگ سوزلاچیسی خالد زدران اوز توییتری ده یازیشیچه، بوگون کابل شهری وزیر محمداکبرخان جامع مسجدی یقینیده، نماز اوقووچیلر مسجد دن چیقیش پیتیده پارتلش یوز بیرگن.
جناب زدران، مذکور پارتلش قنده‌ی لیگی و تلفاتی باره‌سیده هیچ نرسه دیمه‌گن؛ لیکن حادثه برچه قربانی‌لری تینچ اهالی و نماز اوقووچیلر دیگن.
بیزلرنینگ توییترده هم تعقیب قیلینگ!
کابل ایمرجنسی کسلخانه‌سی، وزیر محمداکبرخان جامع مسجدی یقینیده اویوشتیریلگن پارتلش طفیلی ۴ جسد و ۱۰ یره‌لی کیشی، اوشبو کسلخانه گه انتقال بیریلگنینی معلوم قیلگن.
مذکور پارتلش مسئولیتینی حاضرگچه هیچ کیم یا گروه اوز زمه‌سیگه آلمه‌گن.