بوگون (شنبه، ۱ دلو) جوزجان ولایتی «دشت لیلی شهیدلری اشرف‌المدارس دارالعلومی» ده، قوم بویوک‌لری و دین عالم‌لری نینگ حضوری بیلن یولگه قوییلگن قومی بویوک جرگه ده، بیر آته اوز فرزندی نینگ قاتلینی کیچیرگن.
زلزله باعث زیان کورگن‌لر گه یاردم بیریش ایشلری بوییچه کمیسیون سرپرستی شرف‌الدین مسلم نینگ ایتیشیچه: «مسلمان‌لر قیین کون‌لرده بیر_بیرینی قوللب_قوتله‌یدی، بونگه یققال مثال ایکی عایله اورته‌سیده‌گی قرشیلیک ایدی که بوگون چیک قوییلدی.»
بیزلرنینگ فیسبوک صحیفه‌میزگه باش اورینگ!
اونگه کوره، «الله تعالی مسلمان‌لرنی اورته‌لریده صلح قیلیب و بیر_بیرینی تینچلیک و کیچیریش گه بویره‌دی.»
شرف‌الدین مسلم نینگ کوپه‌یتیریشیچه: «مملکت نینگ برچه ولایت‌لریده قومی و عایله‌وی قرشیلیک بار؛ بیراق بو قیینچیلیک حلی اوچون قوم بویوک‌لری و دین عالم‌لری نینگ سعی و حرکتی نتیجه بیرگن.»
عین‌حالده، مقتول و قاتل نینگ عایله اعضالری، اوشبو قضیه حلی اوچون قوم بویوک‌لری و دین عالم‌لری نینگ سعی‌وحرکت‌لریدن منتدارلیک بیلدیریب ایتیشلریچه، صلح و تینچلیک طرفدارلری دیر و بویوک‌لر تامانیدن آلینگن قرارنی قبول قیلیشه‌دی.
بیزلرنینگ توییترده هم تعقیب قیلینگ!
ایتیش کیره‌ک که، اوشبو ییل بیرینچی جوزا ده، «جهان‌زیب» اسملی کیشی «فیروز» اسملی باشقه کیشینی لفظی تارتیشوو ده اولدیرگن ایدی و اونینگ قصاصی آلینیشی کوتیلردی؛ بیراق قوم بویوک‌لری و دین عالم‌لری نینگ واسطه‌چیلیگی باعث ایکی تامان یره‌شگنلر.