یورو ۲۰۲۴-ییل حذفی باسقیچی باشلنیشی اوچینچی کیچه ده ایکّی اویین اۉتکزیلیشی کوتیله‌دی.
یورو مسابقه‌لری حذفی باسقیچی گه یول تاپگن تیرمه جماعه‌لر ارا بو کیچه (۱۱-سرطان، دوشنبه) فرانسه فوتبال ملی تیرمه جماعه‌سی افغانستان وقتی بیلن آخشم ساعت ۸:۳۰ اطرافی ده بلژیک تیرمه جماعه‌سی و پرتگال یریم کیچه ساعت ۱۱:۳۰ اطرافی ده اسلوونی بیلن بیللشه‌دیلر.
بیزلرنینگ فیسبوک صحیفه‌میزگه باش اورینگ!
جرمنی میزبان‌لیگی بیلن بولیب اۉته‌یاتگن مسابقه‌لرده فرانسه «دوسلدورف آرنا» سپورت میدانیده بلژیک دن و کریستیانو رونالدو نینگ هم‌تیمی‌لری (پرتگال) «دویچه بانک پارک» سپورت میدانیده اسلوونی دن میزبان‌لیک قیله‌دی.
فرانسه اۉتگن مسابقه‌لریده پولند تیرمه جماعه‌سی بیلن ۱-۱ و هالند ملی تیرمه جماعه‌سی بیلن ۰:۰ حسابی بیلن مساوی گه تن بیریب و اتریش گه ۱:۰ حسابی بیلن غلبه قازانگن.
شونینگدیک پرتگال سۉنگی اویین‌لریده ۲:۰ حسابی بیلن گرجستان برابریده مغلوب بولیب و تورکیه همده چک جمهوریتی فوتبال ملی تیرمه جماعه‌لرینی ۳:۰ حسابی و ۲:۱ حسابی بیلن مغلوب اېتگن.
بیزلرنینگ «ایکس» ترماغی ده هم تعقیب قیلینگ!
حاضرگه قدر اسپانیا، جرمنی، انگلستان و سوئیس، رقیب‌لری گه غلبه قازانیب و سکیز جماعه آره‌سیده یول تاپگنلر.
یورو ۲۰۲۴-ییل مسابقه‌لری نینگ حذفی باسقیچی گه ایتالیا، جرمنی، دنمارک، انگلستان، اسلواکیا، اسپانیا، گرجستان، فرانسه، بلژیک، پرتگال، اسلوونیا، رومانیا، هالند، اتریش و تورکیه فوتبال ملی تیرمه جماعه‌لری یول تاپگنلر.
اوشبو مسابقه‌لر دوام اېتر اېکن اېرته کیچه رومان، هالند بیلن و اتریش، تورکیه بیلن قرشی لشه‌دی.
