ساغلیق‌نی سقلش وزیرلیگی مسئوللری، بوگون «خلق‌ارا کوریش کونی» مناسبتی بیلن یولگه قوییلگن بیر برنامه‌ده ایتیشلریچه، حاضر افغانستان ده بیر میلیون ۵۰۰ مینگ کیشی تورلی کوز کسللیکلری گه چلینگن.
ساغلیق‌نی سقلش وزیرلیگی نینگ خذمتلر ارائه قیلووچی معینی عبدالولی حقانی نینگ ایتیشیچه، ییل‌ده افغانستان ده ۲۵ مینگ کیشی کوز کسللیکلری گه چلینیش یا-ده زیان کوریش طفیلی، بیر کوزی نینگ کوریش قابلیتی نی قولدن بیره‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مملکت‌ده کوز کسللیکلری ساغلیق بولیمی‌ده جدی بیر قیین‌چیلیک دیر. خلق‌ارا ساغلیق‌نی سقلش تشکیلاتی ننیگ تیکشیریشی اساسیده، افغانستان ده کوریش میزانی ۱.۵ الی ۲ میلیون کیشی دیر. مملکت‌ده قریب ۱.۵ کیشی کوریش قابلیتی آزلیگی‌دن اذیت چیکه‌دی.»
شونده‌ی بیرحالده، شفاکارلردن قطاری کوز کسللیکلری دوالنیشی بولیمی‌ده متخصص شفاکار و دوالنیش امکانیتی کم‌لیگی نی، افغانستان نینگ ساغلیق سکتوری برابریده‌گی قیین‌چیلیکلردن بیله‌دیلر.
ساغلیق‌نی سقلش وزیرلیگی‌ده کوز سلامت‌لیگی نی سقلش و ملی هماهنگ‌لیک آمری و کوز شفاکاری آغامحمد عابد طوطاخیل نینگ ایتیشیچه، کوز بولیمی‌ده شفاکار کم‌لیگی، درمانی خذمتلر ارائه‌سینی قیین‌چیلیک بیلن روپه‌ره قیلگن.
جناب طوطاخیل نینگ کوپه‌یتیریشیچه: «خلق‌ارا ساغلیق‌نی سقلش تشکیلاتی نینگ معیارلری اساسیده، هر بیر میلیون کیشی اوچون ۷۶ کوز متخصصی نینگ بولیشی کیره‌ک که شونده‌ی بیرحالده، افغانستان ده یالغیز هر بیر میلیون کیشی اوچون تورت متخصص فعالیت قیله‌دی.»
کابل ده چشم نور تخصصی و ملی کسل‌خانه‌سی باشلیغی ظاهر‌گل زدران نینگ ایتیشیچه، کوز شفاکارلری گه ظرفیت آشیریش برنامه‌لری نینگ یولگه قوییلیشی کیره‌ک. «تعلیمی برنامه‌لر نینگ یولگه قوییلیشی و اولر نینگ تشقری گه یوباریلیشی کیره‌ک که، اولر ینگی تکنولوژی‌لر بیلن تانیشسین. کسل‌لیک درست بیر شکلده تشخیص بولگنی‌ده، اونینگ دوالنیشی هم یخشی بیر شکلده صورت تاپه‌دی.»
شفاکارلردن قطاری کوز نینگ اراده‌سیز حرکتلری، قیزیل، قهوه‌یی یا-ده کول‌رنگی لکه‌لری، کوپینچه یاشریشی و خارش قیلیشی نی، کوز کسللیکلری نینگ اصلی نشانه‌لری دیگن.
بیزلرنینگ «ایکس» ترماغی ده هم تعقیب قیلینگ!
اوشبو برنامه‌ده خلق‌ارا ساغلیق‌نی سقلش تشکیلاتی نماینده‌سی نعیم‌الله صافی نینگ ایتیشیچه، مذکور نهاد افغانستان ده کوز کسللیکلری دوالنیشی اوچون کیره‌کلی امکانیت‌لرنی تامین قیله‌دی. «کوز کسللیکلری وقتی‌ده دوالنگنی‌ده، اونینگ کوپه‌یشی آلدی آلینیشی ممکن. مملکت‌ده کوز کسل‌لیگی دوالنیشی برنامه‌لریدن حمایت قیله‌میز و کیره‌کلی امکانیت‌لرنی یره‌تیشیمیز ممکن.»
۱۴-اکتبر خلق‌ارا ساغلیق‌نی سقلش تشکیلاتی آرقه‌لی کوریش اهمیتی حقیده آگاهی‌لیک کوپه‌یشی مقصد، خلق‌ارا کوریش کونی اوله‌راق ناملنگن.