«دولت نینگ ملت گه حساب» بیریش برنامه‌سی دوام ایتر ایکن، مخابرات و تکنالوژی معلوماتی وزیرلیگی، اوشبو وزیرلیک نینگ بیر ییل‌لیک یوتوق‌لری و ایش گزارشینی شریک قیلیب ایتیشیچه، مملکت بویلب اسلامی امارت سرپرست حکومتی قدرت نی آلگندن بویان، مذکور وزیرلیک ۶.۸۸۱ میلیارد افغانی درآمد ییققن.
اوشبو وزیرلیک رسمی‌لری گه کوره، مخابرات و تکنالوژی معلوماتی وزیرلیگی نینگ اوشبو درآمدی اوتگن ییل گه نسبتن ۱.۲ میلیارد کوپه‌لیشنی کورسته‌دی.
مخابرات و تکنالوژی معلوماتی وزیرلیگی نینگ سرپرستی نجیب‌الله حقانی گه کوره، اوشبو وزیرلیک کریدت کارت‌لردن آلینه دیگن ۱۰ فایز سالیق دن اوتگن ییل گه قره‌گنده ۷۳۱ میلیون افغانی درآمد ییققن.
بیزلرنینگ فیسبوک صحیفه‌میزگه باش اورینگ!
مخابرات و تکنالوژی معلوماتی وزیرلیگی نینگ سرپرستی، کریدت کارت‌لردن آلینه دیگن ۱۰ فایز سالیق جریانی شفاف‌لیگیدن ایشانچ بیلدیره‌دی.
اونینگ کوپه‌یتیریشیچه: «بیز اوتگن ییل گه نسبتن ۱.۲ میلیارد افغانی درآمد قیلدیک، بیز اوتگن بیر ییل ده ۶.۸۸۱ میلیارد افغانی ییققن‌میز، بو درآمد سابق حکومت زمانیده ۵.۶۴۹ میلیارد افغانی ایدی.»
بونگه علاوه، مخابرات و تکنالوژی معلوماتی وزیرلیگی مسئوللری نینگ کوپه‌یتیریشیچه، اسلامی امارت سرپرست حکومتی نینگ حاکمیتیده مملکت بویلب ۹۰ فایز یشاوچیلر انترنتی و مخابراتی خذمت‌لر گه قول تاپیشگن.
باشقه تاماندن، مخابرات و تکنالوژی معلوماتی وزیرلیگی، انترنت و تماس‌لر قیمتی کمه‌یشیدن خبر بیریب ایتیشیچه، انترنت و مخابراتی شبکه‌لر نینگ تماسی قیمتی و صفتی اوستیگه اورغو کیلتیرگنلر.
مخابرات و تکنالوژی معلوماتی وزیرلیگی نینگ سرپرستی، مملکت ده ایرکین بازار حاکمیتینی انترنت و تماس‌لر قیمت‌لیگی عنوان قیلیب ایتیشیچه، یقینده انترنت و تماس‌لر کم قیمت بیلن عرضه ایتیلیشی ممکن.
بیزلرنینگ توییترده هم تعقیب قیلینگ!
شونینگدیک، مخابرات و تکنالوژی معلوماتی وزیرلیگی، مخابراتی خدمتلر صفتی یخشی‌لنیشی اوچون ایریم قانون‌لر تصویب و سیستم ایجاد ایتیلیشیدن خبر بیره‌دی.
مخابرات و تکنالوژی معلوماتی وزیرلیگی نینگ تخنیکی و مسلکی معینی احمدمسعود لطیف رای گه کوره: «سابق عرضه بوله‌دیگن برچه خدمتلر، حاضرگی موجود قیینچیلیکلر و خارجی حمایت بولمسدن هلیگچه عرضه ایتیلماقده دیر.»
عین‌حالده، مملکت یشاوچیلری، هردایم اولکه بویلب مخابراتی خدمتلر صفتی قویی‌لیگیدن شکایت قیلگنلر. اوتگن ییل‌لرده مملکت ده مخابراتی خدمتلر قیمت‌لیگی و صفتی قویی‌لیگی خصوصیده ناراضی‌لیک کمپاین‌لر یولگه قویلگن ایدی.