بلخ ولایتی خوفسیزلیک مسئوللری نینگ ایتیش‌لریچه، اوشبو ولایت‌‌ده ۴۵ مینگ دالرلیک آلتین اوغیرله‌گن عیاللر قولگه آلینگن.
بلخ ولایتی امنیه قوماندانلیگی نینگ خوفسیزلیک آمری عبدالحی عابد نینگ ایتیشیچه، اوشبو گروه چهارشنبه کونی ۱۷-جوزا، قتناو یول‌ده‌گی خوفسیزلیک کوچلری آرقه‌لی قولگه آلینگن.
بیزلرنینگ فیسبوک صحیفه‌میزگه باش اورینگ!
جناب عابد نینگ کوپه‌یتیریشیچه، مذکور عیاللر اوتگن کون توش‌دن کیین، بیر ایرکک نینگ هماهنگ‌لیگی‌ده، بلخ مرکزی مزارشریف شهری نینگ اونینچی خوفسیزلیک حوزه اطرافیده جایلشگن کارته آریانا یقینیده‌گی آرایشگاه‌‌لردن بیریده، بیر عیال نینگ آلتینی نی اوغیرلب و ساحه‌دن قاچگن ایکن‌لر.
بلخ ولایتی امنیه قوماندانلیگی نینگ خوفسیزلیک آمری گه کوره، خوفسیزلیک کوچلری نینگ تیکشیرووی جریانیده اوچ عیال قولگه آلینگن، بیراق مذکور ایرکک ساحه‌دن قاچیش گه موفق بولگن دیر.
بیزلرنینگ توییترده هم تعقیب قیلینگ!
شونده‌ی بیرحالده، خوفسیزلیک مسئوللری نینگ ایتیش‌لریچه، اوغیرلنگن آلتین‌لر آٰره‌سیده، تاج، کمربند، دست‌بند شامل ایکن که، قیته ایگه‌سی گه تاپشیریلگن.
