افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (یوناما)، بوگون توش دن کیین (شنبه، ۹ میزان) اوز توییتری ده یازیشیچه، کابل غربی قسمیده جایلشگن کاج تعلیمی مرکزی ده اویوشتیریلگن هجوم قربانی‌لری نینگ تیکشیریش اوچون، تیم‌لرنی وظیفه‌لنتیرگن.
مذکور نهاد، کاج تعلیمی مرکزی ده اویوشتیریلگن هجوم ده ۳۵ کیشی اولیب و ۸۲ کیشی یره‌لنگنینی معلوم قیله‌دی.
بیزلرنینگ فیسبوک صحیفه‌میزگه باش اورینگ!
یوناما نینگ کوپه‌یتیریشیچه: «کابل ده یوناما نینگ بشر حقوقی تیم‌لری، هزاره‌لر محلی ده تعلیمی مرکزده اویوشتیریلگن هجوم قربانی‌لرینی تیکشیریش گه یاردم بیره‌دیلر.» یوناما نینگ معلوماتی اساسیده، مذکور هجوم ده کوپراق قیز اوقووچیلر قربان بولگنلر.
افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری، حادثه طفیلی قربان بولگنلر مستند قیلینیب و اولر برابری ده عدالت رعایت ایتیلیشی کیره‌ک دیگن.
ایتیش کیره‌ک که، اوتگن کون ایرته‌لب خودکش هجومچیلر کابل غربی ده جایلشگن کاج تعلیمی مرکزینی نشانگه آلدی. واقعه گواه‌لری نینگ معلوماتی اساسیده، اوشبو هجوم‌لرده اونلب اوقووچی هلاک بولیب و یره‌لنگن.
بیزلرنینگ توییترده هم تعقیب قیلینگ!
کابل امنیه قوماندان‌لیگی سوزلاوچیسی خالد زدران، مذکور هجوم ده ۱۹ کیشی اولیب و باشقه ۲۷ کیشی یره‌لنگنینی معلوم قیلگن.
اوشبو هجوم مسئولیتینی حاضرگچه هیچ کیم یا گروه اوز زمه‌سیگه آلمه‌گن.