آمریکا مدافعه وزیرلیگی نینگ اعلام قیلیشیچه، آمریکالیک حربیلرنینگ افغانستان دن بوتونلی چیقیشی یقیین بولگن بیرحالده، زوروانلیکلر کوپه‌یگن و بو مملکت وضعیتی خواطرلی دیر. اوشبو وزیرلیک طالبان گروهیدن زوروانلیکلرنی کمه‌یتیریب و مذاکره میزی گه حاضر بولیش‌لرینی سوره‌گن.
آمریکا مدافعه وزیرلیگی سوزلاوچیسی جان کربی اوتگن کون (سه‌شنبه ۸- سرطان) خبری بیر ییغین اوتکزیب ایتیشیچه، آمریکالیک حربیلرنینگ افغانستان دن چیقیش پروسه‌سی ۵۰ فایز یکونلنگن. اونگه کوره، چیت‌ایللیک کوچلرنینگ بوتونلی چیقیشی گه کم قالگن بیرحالده، بو مملکتده زوروانلیکلر کوپه‌یگن.
بیزلرنینگ فیسبوک صحیفه‌میزگه باش اورینگ!
آمریکا مدافعه وزیرلیگی سوزلاوچیسی نینگ اورغولشیچه، طالبان نینگ تینچلیک سوزلشوولری گه قیتیش‌لری کیره‌ک. اونینگ کوپه‌یتیریشیچه، آمریکا ایکی تامان سیاسی بیر کیلیشووگه قول تاپیشی اوچون تینچلیک پروسه‌سی نینگ معنالی بولیشی نی ایسته‌یدی.
عین حالده، جان کربی نینگ کوپه‌یتیریشیچه، حاضرگچه ۸۹۶ محموله حربی جهاز 17C- اوچاغی بیلن افغانستان دن انتقال بیریلگن. شونینگدیک آمریکا مدافعه وزیرلیگی سوزلاوچیسی نینگ اورغولشیچه، بو مملکت مرکزی قومندانلیک مرکزی/سنتکام، ۱۵ مینگ و ۹۴۳ قطعه حربی جهاز نی آمریکا دفاعی لوژستیک تشکیلاتی گه تاپشیرگن.
جنابی کربی گه کوره، آمریکالیک حربیلرنینگ افغانستان دن چیقیشی، مذکور مملکت نینگ افغانستان ده حربی مأموریتی یکونله‌نیش معناسیگه کیله‌دی. اونینگ ایتیشیچه، آمریکالیک حربیلردن قطاری آمریکا دیپلماتیک حضوری نینگ سقلش و کابل قونالغه‌سی نینگ خوفسیزلیگی نی تأمین‌لش اوچون افغانستان ده قالیشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، نیچه کون آلدین آمریکالیک بیر دیپلمات سلام‌وطندار بیلن اوتکزگن سوزلشوویده، آمریکا دیپلمات‌لری و مذکور مملکت ایلچی‌خانه‌سی نینگ خوفسیزلیگی نی تأمین‌لش اوچون کمیده ۶۰۰ آمریکالیک حربی افغانستان ده قالیش ممکن دیدی.
باشقه بیر تاماندن آمریکا مدافعه وزیرلیگی سوزلاوچیسی نینگ کوپه‌یتیریشچه، اوشبو مملکت افغانستان امنیتی کوچلری لوژستیکی و مالی یاردم‌لریگه دوام بیره‌دی.
آمریکا مدافعه وزیرلیگی افغانستان ده زوروانلیکلر کوپه‌یگنیدن خواطر بیلدیرگن بیرحالده، حاضر مملکت نیچه ولایتیده اوروش نی دوامی بار. گزارشلر اساسیده، چیت‌ایللیک کوچلرنینگ افغانستان دن چیقیش پروسه‌سی باشلنگن بیرحالده، طالبان اونلرچه تومن نی نظارت گه آلگن.