کاپیسا امنیه قوماندان‌لیگی مسئوللری، اوشبو ولایت نینگ حصه‌اول کوهستان تومنی حدودلری «بوغدای ایکینی» ایچیدن بیر کیکسه کیشی نینگ جسدی تاپیلگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
کاپیسا امنیه قوماندان‌لیگی سوزلاوچیسی عبدالفتاح فائز بوگون (جمعه، ۲۵ حمل) اوشبو خبرنی تصدیقلب سلام‌وطندار گه ایتیشیچه، اوتگن کون توش دن آلدین ساعت ۹:۵۰ اطرافی ده، حصه‌اول کوهستان تومنی قاضی‌خیل قیشلاغی «زیرپشته» منطقه‌سیده بوغدای ایکینی ایچیدن بیر کیکسه کیشی نینگ جسدی تاپیلگن.
جناب فائز گه کوره، ۶۵ یاشر «عبدالحفیظ» اسملی مذکور کیشی کاپیسا ولایتی حصه‌اول کوهستان تومنی «قاضی‌خیل» قیشلاغی یشاوچیسی دیر و نامعلوم قوراللی کیشی‌لر تامانیدن چره‌یی رسوملی قورال بیلن اوققه توتیلیب اولدیریلگن.
بیزلرنینگ توییترده هم تعقیب قیلینگ!
کاپیسا امنیه قوماندان‌لیگی سوزلاوچیسی نینگ کوپه‌یتیریشیچه، واقعه گه دایر مقتول نینگ اوغلی و باشقه آلتی کیشی قولگه آلینگن و بوتوغریده تحقیقات باشلنگن.
عبدالفتاح فائز، واقعه اصلی سببی نی عایله‌وی زوروانلیک عنوان قیلگن.