تشقی ایشلر وزیرلیگی دوشنبه کیچه، ۱۰ دلو، پاکستان نینگ پشاور شهری ده بیر مسجد ده اویوشتیریلگن قانلی خودکش هجوم گه مناسبت بیلدیریب، مذکور مملکت دولتی و حادثه قربانی‌لری نینگ عایله اعضالری گه قیغوداشلیک بیلدیریب و اوشبو هجوم نی قاره له‌گن.
تشقی ایشلر وزیرلیگی نینگ یازیشیچه: «تأسف بیلن خبر بولدیک که خیبرپختونخواه ایالتی پشاور شهری ده بیر مسجد ده اویوشتیریلگن هجوم عاقبتیده کوپ سانده پاکستان یشاوچیلری اولیب و یره‌لنگن. اسلام امیرلیگی مسجدلر ده نماز اوقووچیلر نشانگه آلینیشینی قاره له‌یدی و بونده‌ی ایشلرنی اسلام دینی قاعده‌لری گه قرشی بیله‌دی.»
تشقی ایشلر وزیرلیگی نینگ پیامیده کیلیشیچه، اسلام امیرلیگی مسجدلرده نماز اوقووچیلر نشانگه آلینیشینی قاره‌لب و بو گَل ایشلرنی «اسلام دینی قاعده‌لری» گه قرشی بیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک افغانستان سابق جمهور باشلیغی حامد کرزی، بیر بیانیه ترقه‌تیب مذکور هجوم نی قتیق شکلده قاره‌لب و اوشبو هجوم نی انسان قدریت‌لری و اسلام قاعده‌لری گه قرشی عنوان قیلگن.
پاکستان میدیالری، اوشبو مملکت نینگ پشاور شهری ده بیر مسجد ایچیده ایوشتیریلگن پارتلش تلفاتی ۹۰ کیشی گه ییتگنیدن خبر بیرگنلر.
معلومات‌لر گه بناً، دوشنبه کونی، ۱۰ دلو، پاکستان نینگ خیبرپختونخواه ایالتی پشاور شهری ده‌گی مسجدلردن بیری ده، توش نمازینی اوقیش چاغیده اویوشتیریلگن پارتلش عاقبتیده ۹۰ کیشی قربان بولگن و ۱۵۲ کیشی یره‌لنگن.
معلومات‌لر اساسیده، خودکش هجومچی نماز اوقووچیلر نینگ بیرینچی صفی ده اوزینی پارتله‌تگن.
بیزلرنینگ توییترده هم تعقیب قیلینگ!
اوتگن کون، اوشبو مملکت نینگ پشاور شهری مسجدلریدن بیری ده خودکش هجوم اویوشتیریلیشی عاقبتیده، ۱۷ کیشی هلاک بولگن و باشقه ۸۳ کیشی یره‌لنگن‌لیگی معلوم قیلینگن ایدی.
اوشبو هجوم مسئولیتینی پاکستان طالبلر تحریکی (تی‌تی‌پی) گروهی تن آلگن ایدی، کیین ایسه بو ادعالرنی رد قیلدی.
پاکستان رسمی‌لری، بوتوغریده تدقیقات باشلنگنینی معلوم قیلگنلر.
