خلق‌ارا کیچیریم تشکیلاتی، تمنا زریاب پریانی و پروانه ابراهم‌خیل کابل اعتراضچی عیاللری‌دن ایکی‌ته‌سی اسلامی امارت تامانیدن قولگه آلینگن خواطر بیلدیب ایتیشیچه، اسلامی امارت‌دن مذکور ایکی اعتراضچی عیال قوللریده بولگن تقدیرده تیزلیک بیلن قوییب یوباریش‌لرینی سوره‌گن.
مذکور تشکیلات بوگون تویتر صحیفه سیده یازیشیچه، «تمنا زریاب پریانی و پروانه ابراهیم‌خیل، اسلامی امارت نینگ تبعیض‌لی سیاستی منتقدی و افغانستانده عیال حقوقی فعال‌لریدن دیر.» خلق‌ارا کیچیریم تشکیلاتی کابلده‌گی فعال عیاللردن نقل قیلیب یازیشیچه، اسلامی امارت تمنا و پروانه‌نی حبس‌گه آلیب کلتکله‌یدی.
بیزلرنینگ فیسبوک صحیفه‌میزگه باش اورینگ!
اوشبو تشکیلات نینگ کوپیتیریشیچه: « طالبان رسمی‌لری اوشبو واقعه‌نی تیزلیک بیلن تیکشیریب ومذکور فعال عیاللر قول‌لری‌گه بولگن تقدیرده تیزلیک بیلن قوییب یوبارسین.» خلق‌ارا کیچیریم تشکیلاتی‌گه کوره، اسلامی امارت پروانه وتمنا نینگ قولگه آلگن‌لرینی انکار قیلیش‌لری اورنیده اولر نینگ سقلش محلی‌نی فاش قیلیش‌لری کیره‌ک.
عین‌حالده بوندن آلدین بیرلشگن‌ملت‌لر تشکیلاتی نینگ افغانستان بویچه اورین باسرلیک دفتر هیأتی و یاده یوناما بوایککی کیشی نینگ یوقالگن‌لیگی توغریسده خواطر بیلدیریب واسلامی امارت‌دن بو عیاللر سقلنه‌یاتگن محل توغریسده معلومات بیریش‌لرینی سوره‌گن ایدی.
بیراق اسلامی امارت مقام‌لری اوشبو ایککی فعال عیال اولرتامانیدن قولگه آلینگن‌نی رد ایتگن.
بیرلش‌گن ملت‌لرتشکیلاتی نینگ افغانستان بویچه خاص وکیلی دیبرالاینزهم اوتگن‌کون اسلامی امارت ایچکی ایش‌لر وزیرلیگی‌نینگ سرپرستی سراج‌الدین‌حقانی بیلن اوچره‌شوویده تمنا وپروانه نینگ یوقالگن‌لیگی توغریسده تحقیق قیلیب و اولرنینگ ایرکین‌لیگینی ضمانت قیلیشی‌نی سوره‌گن ایدی.
بیزلرنینگ توییترده هم تعقیب قیلینگ!
عین‌حالده تمنا و پروانه، اسلامی امارت نینگ حجاب قیلیش چیکلاولری‌گه قرشی اعتراض بیلدیریب، اهالی آره‌سیده اعترض اوله‌راق بیرعیال نینگ حجابی نی باشیدن آلیب تشله‌دیلر.
اسلامی امارت و اولر نینگ بوایشیدن قتیق اعتراض قیلیب و بیرنیچه عیال اسلامی حجاب دن آرقه‌داشلیک بیلدیریب اعترض هم قیلگن ایدیلر.