پاکستان دن مملکت گه قیتگن قاچقین‌لر دن بیرقطاری، پاکستان دولتی تامانیدن جبر دن چیقریلیش‌لری و اوشبو مملکت پولیسی نینگ یامان یانده‌شوولری دن اچیق حکایت قیله‌دیلر.
غزنی ولایتی ناوه تومنی اصلی یشاوچیسی و ۱۰ ییل دن بیری پاکستان نینگ «ژوب» شهری ده حیات کیچیریب کیلگن جان‌محمد گه کوره، حاضر ۱۳ کیشی‌لیک عایله‌سی بیلن مملکت نینگ غزنی لایتی گه قیتیب کیلگن.
سفر دن چرچه‌گن‌لیگی و پاکستان پولیسی نینگ ظلم قیلگن‌لیگی سیماسیدن بیللی ۶۰ یاشر جان‌محمد نینگ سلام‌وطندار گه ایتیشیچه، برچه امکانیتی پاکستان گه قالگن و یالغیز اوزی و عایله‌سی مملکت گه قیتگنلر.
بیزلرنینگ فیسبوک صحیفه‌میزگه باش اورینگ!
اونگه کوره، افغانستان‌لیک قاچقین‌لر پاکستان ده ییل‌لر بویلب زحمت چیکیب و یشش اوی ساتیب آلگن بولسه‌لرده؛ بیراق حاضر پاکستان‌لیک‌لر گه ارزان نرخ ده ساتیش گه مجبور بولیشگن.
او نینگ کوپه‌یتیریشیچه: ««پاکستان ده کوپ قیین‌چیلیک بیلن روپه‌ره بولدیک، هیچ نرسه‌میز نی آلالمه‌دیک. برچه نرسه‌میز قالدی. او ییرده‌گی جایدادی‌میز ۵۰۰ مینگ بولسه، ۲۰۰ مینگ گه و شونینگدیک ۲۰۰مینگ بولسه، ۱۰۰ مینگ گه ساتدیک.»
اوشبو کیکسه کیشی نینگ حاضر غزنی ده هیچ باش پنه و یشش اوی یوق دیر، دولت و یاردم بیرووچی مؤسسه‌لر دن مملکت گه قیتگن قاچقین‌لر اوچون باش‌پنه قوریب بیریشینی سوره‌یدی.
اونگه کوره: «بیزلر گه خیمه بیریلیشی نی ایسته‌یمیز، بیزلر نینگ حیات کیچیریشی‌میز اوچون باش‌پنه بیریلیشی کیره‌ک. الکترونیکی کیم‌لیک حاضر ایسه باشلنگن، بیزلر گه کیم‌لیک بیریلسین. بیزلر افغانستان اهال‌سی‌میز و اسلام امیر‌لیگی‌دن خورسند‌میز.»
سکیز کیشی‌لیک عایله‌سی بیلن مملکت نینگ غزنی ولایتی گه قیتگنلردن کلاخان نینگ سلام‌وطندار گه ایتیشیچه، پاکستان پولیسی حتا قاچقین‌لیک کارت‌لرینی آلیب ییرتیب تشله‌گن.
او نینگ ایتیشیچه: «قاچقین کارتی‌میز بار ایدی، آته‌م و ایناغه‌م‌دن کارت‌لری نی آلیب و سیندیر‌دیلر و هیچ نرسه هم بیرمه‌دیلر و سیزلر گه هیچ نرسه یوق دیدیلر.»
پاکستان دن اوشبو قاچقین‌لر نینگ غزنی گه قیتیش‌لری بیلن، مذکور ولایت محلی مسئوللری قاچقین‌لر نینگ قیینچیلیگی حلی اوچون بیر کمیته تعیینله‌گن.
بیزلرنینگ «ایکس» ترماغی ده هم تعقیب قیلینگ!
غزنی قاچقین‌لر باشلیغی محمدعمر عادل گه کوره، سونگی بیر آی ده پاکستان دن قریب ۴۰۰ عایله غزنی ولایتی گه قیتگنلر.
او نینگ ایتیشیچه: «اوتگن بیر آی جریانیده، قریب ۴۰۰ قاچقین عایله غزنی گه کیلگن. اولردن بیر قطاری ناوه، اجرستان، اندر و آب‌بند کبی تومن‌لر گه انتقال بیریلگن و شونینگدیک مرکز گه تیگیشلی بولگنلر ایسه مرکزده قالگنلر.»
عادل جنابلری گه کوره، کیله‌سی ییل‌لرده مملکت گه قیتگن قاچقین‌لر اوچون ییر توزیع قیلینیشی ممکن و حاضر غزنی مرکزی ده شهرک قوریش اوچون ایکی جاینی اختصاص بیرگنلر.
سونگی ایکی آی ده پاکستان دن افغانستان‌لیک قاچقین‌لر جبر دن چیقریلیشی، ملی و خلق‌ارا مناسبت‌لر گه روپه‌ره بولگن، بیراق پاکستان دولتی برچه مناسبت‌لر گه اعتبار بیرمسدن اوشبو مملکت دن ناقانونی قاچقین‌لر نینگ چیقریش جریانی گه دوام بیرماقده.