اوتگن هفته پاکستان حکومتی، اسلام امیرلیگی پاکستانی طالبلر تحریکی اعضالرینی افغانستان بیلن اوشبو مملکت چیگره حدودلریدن اوزاق‌لشتیریش وعده‌سینی بیرگن‌لیگینی ادعا قیلدی.
میدیالردن قطاری، اسلام امیرلیگی سوزلاوچیسی ذبیح‌الله مجاهد گه تیه‌نیب بو گَل گزارش‌لرنی ترقه‌تگن.
بو مسئله نیچه کوندن بویان اجتماعی ترماق‌لرده کینگ کولمده ترقه‌لگن و ینگی‌لیکده، افغانستان نی قوتقریش اوچون سابق حکومت سیاسی سیمالریدن تشکیل تاپگن «ملی مقاومت کینگشی» اسلام امیرلیگی نینگ اوشبو ریجه‌سی گه مناسبت بیلدیریب، بو مسئله افغانستان نی بولیش انقراضی گه روپه‌ره قیلیشیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
برچه‌سی بیلن، اسلام امیرلیگی افغانستان ده پاکستانی طالبلر تحریکی (تی‌تی‌پی) اعضالری نینگ فزیکی حضورینی رد قیلگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار ایتیشیچه: «انیق جای ده تی‌تی‌پی اعضالری انتقال بیریلیشی توغریسیده هیچ نرسه دییلمه‌گن، افغانستان ده هیچ بیر انیق گروه یوق‌لیگینی سیزلر گه ایته آله‌من.»
اجتماعی ترماق‌لر ایشلاوچیلریدن بیرقطاری نینگ ایشانچی گه کوره، اسلام امیرلیگی ایچکی ایشلر وزیرلیگی نینگ سرپرستی سراج‌الدین حقانی اوشبو مسئله گه دایر افغانستان شمالی گه سفر قیلگن و شونینگدیک اولر، جناب حقانی شمال گه «تی‌تی‌پی» اعضالرینی انتقال بیریش جریانینی عملی قیلیش اوچون سفر قیلگن دیه تحلیل قیلگنلر.
امنیتی ایش بیلرمان اسدالله ندیم نینگ ایتیشیچه، بو گَل ریجه عملی بولگن تقدیرده، شمالی ولایت‌لرده قومی قرشی‌لیکلر کوپه‌یب و نهایت ناتینچ‌لیکلر گه سبب بولیشی ممکن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اوشبو گروه‌لر نینگ انتقال بیریلشی کیله‌جک ده کتته قیینچیلیک‌لر و حتا قومی بویوک اوروش‌لر باشله‌نیشیگه سبب بولیشی ممکن.»
مملکت شمالی ولایت‌لری گه پاکستانی طالبلر تحریکی اعضالری انتقال بیریلیشی گه دایر اجتماعی ترماق‌لرده مناسبت بیلدیرگن کیشی‌لر نینگ ایشانچی گه کوره، اسلام امیرلیگی نینگ مذکور ریجه دن مقصدی شمالی ولایت‌لر ده قومی ترکیب نی اوزگرتیریش دیر.