تشقی ایشلر وزیرلیگی سوزلاوچیسی نینگ اورین باسری ضیااحمد تکل، پنج‌شنبه کیچه ۶ دلو، بیر توییت آرقه‌لی افغانستان اوچون ایران نینگ مخصوص ایلچیسی و نماینده‌سی حسن کاظمی قمی، اوشبو ایلچی‌خانه اورین‌باسری و افغانستان ده ایران نینگ تورت قنسول‌گرلیک مسئوللری بیلن تشقی ایشلر وزیرلیگی سرپرستی امیر‌خان متقی نینگ اوچره‌شگنیدن خبر بیرگن.
مذکور اوچره‌شوو اوتگن کون صورت تاپگن. ضیااحمد تکل نینگ یازیشیچه، اوشبو ییغین‌ده اسلام امیر‌لیگی سوزلاوچیسی ذبیح‌الله مجاهد و شونینگدیک تشقی ایشلر وزیرلیگی رئیس‌لریدن قطاری اشتراک قیلگن‌لر و سیاسی موضوع‌لر، ویزه ساحه‌سیده کیره‌کلی قولای‌لیک یره‌تیش و تیزلشتیریش، سوداگرلیک و ایکینچی‌لیک بولیمی‌ده ینگی اقدام‌لر و باشقه بیر قطار موضوع‌لر خصوصیده صحبت قیلینگن دیر.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی سوزلاوچیسی اورین‌باسری نینگ ایتیشیچه، شونینگدیک اوشبو اوچره‌شووده ایشلر و بوتونلمه هماهنگ‌لیک خصوصیده تفصیلی بحث صورت تاپگن دیر.
ایتیش کیره‌ک که، افغانستان اوچون ایران خاص نماینده‌سی حسن کاظمی قمی، سونگی کون‌لر افغانستان اوچون اوشبو مملکت نینگ ایلچیسی صفتیده تعیین‌لنگن و شونینگدیک نیچه کون آلدین هم امیر‌خان متقی بیلن اوچره‌شیب و هیرمند دریاسی‌دن ایران حقآبهسی تامین‌لنیشی نی ایسته‌گن ایدی.
بیزلرنینگ توییترده هم تعقیب قیلینگ!
افغانستان اوچون ایران ایلچیسی اوشبو اوچره‌شووده اسلام امیر‌لیگی آرقه‌لی هیرمند دریاسی‌دن مملکتی نینگ حقآبهسی تامین‌لنیشی گه تاکید‌لگنی یانیده، افغانستان سووی درست شکلده مدیریت بولیب و اونینگ ضایع بولیشی‌دن توسیق بولینیشی نی بیان قیلگن.