تخنیکی و مسلکی تعلیمات اداره‌سی بوگون (یک‌شنبه، ۱۵-دلو)، حکومت نینگ اطلاعات و ییتکرمه‌لر مرکزی‌ده یولگه قوییلگن خبری بیر ییغین‌ده، افغانستان تیمیر یولی اداره‌سی، ناروی کمیته‌سی و باشقه اوچ ایچکی نهاد بیلن، ۱۲۰ میلیون افغانی‌لیک بیش‌ته همکارلیک بیتیمی نی امضاله‌گن.
اوشبو اداره نینگ مالی و اداری اورین‌باسری فضل‌الرحمان فاضل نینگ ایتیشیچه، مذکور بیتیم‌لر اساسیده، کابل، پروان، بلخ، هرات، بدخشان، غزنی و فاریاب ولایت‌لریده بیر مینگ ییگیت گه ایش زمینه‌سی یره‌تیله‌دی.
بیزلرنینگ فیسبوک صحیفه‌میزگه باش اورینگ!
جناب فاضل نینگ کوپه‌یتیریشیچه: «بوگون تخنیکی و مسلکی تعلیمات اداره‌سی بیلن، ناروی کمیته‌سی، افغانستان تیمیر یولی اداره‌سی و باشقه اوچ نهاد آره‌سیده، ۱۲۰ میلیون افغانی‌لیک همکارلیک بیتیمی امضالندی.»
شونده‌ی بیرحالده، اوشبو ییغین‌ده افغانستان تیمیر یولی اداره‌سی مسئوللری، بو اداره‌ده مسلکی کیشی‌لر کم‌لیگی‌دن خواطر بیلدیریب ایتیشلریچه، تیمیر یولی اداره‌سی کوپراق متخصص کیشی‌لر گه نیازی بار.
بیزلرنینگ «ایکس» ترماغی ده هم تعقیب قیلینگ!
افغانستان تیمیر یولی اداره‌سی باشلیغی بخت‌الرحمان شرافت نینگ ایتیشیچه: «دیزاین، سروی، تیکشیریش و بهالش بولیم‌لریده متخصص کیشی‌لر کملیگی بیلن روپه‌ره‌میز و اونگه نیازیمیز بار.»
ایتیش کیره‌ک که، تخنیکی و مسلکی تعلیمات اداره‌سی نینگ معلوماتی اساسیده، حاضر ایسه مملکت بویلب اوشبو اداره نینگ ۲۷۳ کسب-هنر اورگتیش مرکزلری فعالیت قیلماقده.
