بوگون (پنج‌شنبه، ۷-میزان) معارف وزیرلیگی بیر توییت آرقه‌لی اوشبو وزیرلیک ینگی سرپرستی حبیب‌الله آغا نینگ یونیسف یا-ده افغانستان ده بیرلشگن ملت‌لر تشکیلاتی نینگ باله‌لردن حمایت قیلووچی صندیغی نماینده‌سی محمد آگ آیویا و اونینگ همراه هیئتی بیلن اوچره‌شگنیدن خبر بیرگن.
مذکور اوچره‌شوو اوتگن کون صورت تاپگن. معارف وزیرلیگی یازگن که، اوشبو اوچره‌شووده مذکور وزیرلیک سرپرستی جاری ییل جریانیده افغانستان ده تعلیم و تربیه توغریسیده یونیسف نینگ فعالیتی و انجام بیرگن خذمت‌لری خصوصیده قدردانلیک قیلگن.
بیزلرنینگ توییترده هم تعقیب قیلینگ!
حبیب‌الله آغا، افغانستان نینگ تعلیمی توزومی خصوصیده خلق‌ارا خیریه نهاد‌لر تامانیدن بولگن برچه یاردم‌لردن قدردانلیک بیلدیریب و اولر نینگ بوتون برنامه‌لری تطبیق بولیشی اوچون برچه آسایشته‌لیک نینگ فراهم بولیشی نی بیان قیلگن.
شونده‌ی بیرحالده، افغانستان ده یونیسف نماینده‌سی هم ایتگن که، اوشبو نهاد دوام‌لی بیر شکلده افغانستان معارفی نی همراه‌لیک قیلیب و اوندن حمایت قیله‌دی.
بیزلرنینگ فیسبوک صحیفه‌میزگه باش اورینگ!
اوتگن کون حبیب‌الله آغا اسلامی امارت رهبری هبت‌الله آخوندزاده نینگ حکمی اساسیده، معارف وزیرلیگی سرپرستی صفتیده تعیین‌لندی.