افغانستان مرکزی بانک عالی کینگش عضوی شاه محمد محرابی نینگ ایتیشیچه، افغانستان نینگ اقتصادی قوللش عرفه سیده و آمریکا قوشمه ایالت‌لری بو انقراض‌نی آلدینی آلیشی ممکن. جناب محرابی الجزیره ترماغی‌گه یولـله‌گن مکتوبی‌ده یازیشیچه، افغانستان کیسکین اقتصادی انقراض‌گه روپه‌رو و ییچیم یولی نیویارک‌ده دیر.
محرابی، افغانستان نینگ حاضرگی اقتصادی وضعیتی سببی‌نی اوشبو مملکت نینگ پول‌لری آمریکا تامانیدن توسیلیشی عنوان قیلیب اورغولشیچه، افغانستان یشاوچیلری اساسی توارلرنی ساتیب آلیش‌که قادر ایمس‌لر. اونینگ کوپیتیریشیچه، افغانستان نینگ ملی پولی مثل سیز درجه‌ده قدرسیز بولیب و بو مملکت نینگ اقتصادی قوللش عرفه سیده قرار تاپگن.
بیزلرنینگ فیسبوک صحیفه‌میزگه باش اورینگ!
مرکزی بانک عالی کینگش اعضاسی مکتوبی‌ده ایتیشیچه، افغانستان مرکزی بانکی افغانی پول برابریده دالر نرخی‌نی کنترول قیلیش اوچون پولی سیاست ریجه‌لری اوستیده ایشله‌یشی کیره‌ک، لیکن بو ایش دالر ذخیره‌‌لری و موزله‌تیلگن پول‌لر آزاد ایتیلمسدن ممکن سیز دیر.
اونینگ بیان قیلیشیچه، افغانستان وارداتی بیر مملکت بولگنی باعث اوشبو اولکه اقتصادی تجارتی ایشلر حتی عادی پیت‌لرده آمریکا دالری‌گه باغلیق دیر. بیراق اونگه کوره، خارجی پول‌لرنینگ طلبی کوپه‌یگنی و دالر برابریده ۳۰ فایز افغانی پول نینگ قیمتی پس توشیشی باعث سونگی نیچه آیده وارداتی توارلر بهاسی، کمیده ۲۰ الی ۳۰ فایز آشگن.
محرابی آمریکا قوشمه ایالتی افغانستان‌ده اقتصادی فاجعه‌نی آلدینی آلیش ونرخ-نوالرنینگ ثباتی‌‌نی حفظ قیلیش اوچون، مرکزی بانک نینگ نظارتی‌گه قول تاپیش و هر آیده تشقی ذخیره‌لردن ۱۵۰ میلیون دالر نینگ مشروط شکلده رخصت بیریشلری نینگ تکلیف بیرگن.
بیزلرنینگ توییترده هم تعقیب قیلینگ!
محرابی نینگ کوپیتیریشیچه، آمریکا قوشمه ایالت‌لری حاضرگچه افغانستان‌ده فعالیت آلیب باره‌یاتگن خلق‌ارا مستقل مالی شرکت لردن بیری آرقه‌لی، اوشبو مالی منبع‌لردن قنده‌ی فایده لنیش‌نی تصدیقلب و اختلاس بولگن بیرحالده اوشبو بودجه‌نی کیسه آله‌دی.
اوشبو بیانات‌لر شونده‌ی بیرحالده آچیقلنگن که، افغانستان نینگ اقتصادی بحرانی کونسه‌یین یامان بولیشی و مذکور مملکت نینگ اقتصادی بوتکول قوللشی باعث آگاه لنتیریش لردن سونگ، خلق‌ارا نهادلر و قطار مملکت لرنینگ رسمی‌لری آمریکا تامانیدن افغانستان نینگ توسیلگن پول‌لری آزاد ایتیلیشینی سوره‌گنلر.
ینگی لیکده، آمریکا قوشمه ایالت لری نینگ بیر قاضی‌سی جوبایدن اداره‌سی‌گه افغانستان‌گه دایر موزله‌تیلگن پول‌لر حقیده قرار آلیب و اوشبو پول‌لر تقدیری خصوصیده معلومات کیریتیش اوچون ایکی هفته وقت بیرگن.
