هلمند ولایتی نهرسراج تومنی یشاوچیلریدن قطاری نینگ ایتیشلریچه، اوشبو تومن‌ده مکتب و دینی مدرسه‌لر یوقلیگی سبب، باله‌لر مسجد‌لرده یالغیز دینی تعلیم کوره‌دیلر. اولر نینگ کوپه‌یتیریشلریچه، باله‌لری گه باشقه ساحه‌لرده تعلیم بیریلمه‌یدی.
نهرسراج تومنی یشاوچیلری، مسئوللردن مذکور تومن‌ده مکتب و دینی مدرسه‌لر نی ایجاد قیلیش بیلن، باله‌لری گه کوپراق تعلیم زمینه‌سی یره‌تیلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
نهرسراج تومنی یشاوچیلریدن میرزمان نینگ ایتیشیچه: «باله‌لریمیز قیرگه کیتسین؟ مدرسه یوق. یالغیز مسجد بار. اوشبو مکتب خراب بولگن. اسلام امیر‌لیگی‌دن مکتب و مدرسه توزه‌تیلیشی نی ایسته‌میز.»
نهرسراج یشاوچیلریدن محمد‌نعیم اکرم نینگ سلام‌وطندار گه ایتیشیچه: «قیین‌چیلیگی‌میز مکتب دیر. باله‌لر یالغیز مسجد کیته‌دی. اسلام امیر‌لیگی‌دن مکتب توزه‌تیلیشی نی ایسته‌یمیز.»
هلمند نهرسراج تومنی نینگ مالی و اداری مسئولی حافظ عبدالله جان نینگ ایتیشیچه، بو موضوع نی سرپرست حکومت مسئوللری بیلن شریک قیلگنلر.
شونده‌ی بیرحالده، هلمند معارف ریاستی مسئوللری نینگ ایتیشلریچه، اوشبو ولایت نینگ تورلی‌خیل بولیم‌لر یشاوچیلری تعلیم‌دن محروم‌لر و بو بولیم‌لرده باله‌لری گه تعلیم زمینه‌سی یره‌تیلیشی خصوصیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
هلمند معارف ریاستی رئیسی محمد‌عوض انصاری نینگ ایتیشلریچه: «هلمند کینگ بیر منطقه دیر و منطقه‌لریدن کوپینچه‌سی ینگی‌لیکده توزه‌تیلگن. اوشبو منطقه‌ده باله‌لردن کوینچه‌سی تعلیم‌دن محروم قالگن دیر.»
هلمند ولایتی نهرسراج تومنی یشاوچیلری نینگ ایتیشلریچه، مذکور تومن بویلب یالغیز بیر مکتب بار و اوشبو مکتب هم اوتگن اوروش‌لر نتیجه‌سیده، ویران بولگن.