طلوع نیوز سابق خبرچیسی و مالیه وزیرلیگی نینگ مطبوعات آمری نعمت روان، بوگون ترورچیلیک بیر حادثه‌ده جان بیرگن. مذکور حادثه بوگون قندهار شهری نینگ ۱۴- حوزه‌سیده، نعمت روان اویی دن بازار تامان کیته‌دیگن بیرچاغده یوزبیرگن.
قندهار پولیس قومندانلیگی نینگ مطبوعات مسئولی جمال‌ناصر بارکزی نینگ سلام‌وطندارگه ایتیشیچه، جناب روان بوگون ناتانیش قوراللی کیشیلر آرقه‌لی اولدیریلگن. شونده‌ی بیرحالده، قندهار خبرچی‌لری نینگ ایتیش‌لریچه، بونده‌ی حادثه‌لر خبرچیلیک ایش‌لری اوستیگه سلبی تأثیر قویه‌دی.
قندهار ده افغانستان ایرکین میدیالریدن حمایت قیلووچی نهاد یا-ده نی مسئولی عبدالسمیع غیرتمل نینگ ایتیشیچه، خبرچی‌لرگه قرشی ریجه‌لنگن ترورلر اولرنینگ فعالیتی اوستیگه سلبی تأثیر قویگن.
نعمت روان نینگ قتل مسئولیتی نی حاضرگچه بیرار گروه یا-ده شخص بوینیگه آلمه‌گن. نعمت روان زابل ولایتی نینگ اصلی یشاوچیسی ایکن، بیراق بیر نیچه پیتدن بویان قندهار ده حیات کیچیرماقده ایکن.
او، قندهار بیلیم‌یورتی نینگ ژورنالیزم فاکولته‌سینی اوقیب و طلوع نیوز ده خبرچی صفتیده ایش قیله‌دی ایدی. نعمت روان سونگی پیت‌لرده مالیه وزیرلیگی نینگ مطبوعات آمری صفتیده تعیین‌لنگن ایدی.