واژه، مقصودی و یوسف‌زاد نشریات ایگه‌لری نینگ ایتیش‌لریچه، معلومات و مدنیت وزیرلیگی‌دن فعالیت اوچون رخصت آلگنلر، بیراق کابل بلدیه‌سی اوشبو اداره‌دن خذمت کورسه‌تیش جوازی یوقلیگی سبب، اولر نینگ فعالیتی نی توختتگن.
اوشبو کتاب ساتووچی دوکان ایگه‌لریدن سید‌محمد محمدی نینگ سلام‌وطندار گه ایتیشیچه، اسلامی امارت بو رقم اصول بیلن، کابل ده کتاب ساتووچی دوکان‌لر فعالیتی نی توخته‌تماقچی دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کتاب ساتیله‌دیگن دوکان‌لردن بیری نینگ مسئولی کیم‌لیگی سِر قالیش نی ایسته‌ب سلام‌وطندار گه ایتیشیچه، قشاق‌لیک و کتاب ساته‌دیگنلر گه یره‌تیلگن چیکلاو‌لر، مملکت‌ده کتاب اوقیش مدنیتی گه زیان ییتیشتیریشی ممکن.
عین حالده، کابل بلدیه سوزلاوچیسی نعمت‌الله بارکزی نینگ ایتیشیچه، برچه صنف‌لر کابل بلدیه‌سیدن شهری خذمت‌لر محصول جوازی نی آلیشلری کیره‌ک، عکسینچه حالده فعالیت‌لری نینگ توخته‌تیلیشی گه سبب بوله‌دی.
بیزلرنینگ توییترده هم تعقیب قیلینگ!
نشریاتچی‌لر بیرلشمه‌سی نینگ معلوماتی اساسیده، مملکت بویلب ۱۸۰ نشریاتچی و ۵۲۵ کتاب ساتیله‌دیگن دوکان بار که، بو آره‌ده حاضر ایسه کابل شهریده ۹۰ نشریاتچی و ۲۸۰ کتاب ساتیله‌دیگن دوکان نینگ فعالیتی بار.