شنبه کونی پاکستان ایچکی ایشلر وزیری رانا ثناءالله، اکسپرس تلویزیونی بیلن اوتکزگن صحبتیده ایتیشیچه، خلق‌ارا قاعده‌لر گه بناً، اوشبو مملکت افغانستان ده پاکستان طالبلر تحریکی قرارگاه‌لری گه هجوم قیلیشگه حقی بار.
او اسلام امیرلیگی رسمی‌لریدن، افغانستان ده پاکستان طالبلر تحریکی قرارگاه‌لرینی یوق ایتیش‌نی سوره‌گن؛ عکس‌حالده، پاکستان اولر نینگ قرارگاه‌لرینی نشانگه آلیشی ممکن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان داوود طنین گه کوره، حاضرگی زمان ده امنیت مسئله‌سی دولت‌لر نینگ اساسی قیینچیلیکلریدن سنله‌دی، اسلام امیرلیگی قدرت نی آلیشیدن کیین پاکستان افغانستان ده پاکستان طالبلر تحریکی کوچه‌یشیدن خواطرده دیر.
اونینگ سلام‌وطندار گه ایتیشیچه: «امنیت مسئله‌سی دولت‌لر نینگ اساسی معمالریدن سنله‌دی و اسلام امیرلیگی قدرت نی آلیشیدن کیین، پاکستان افغانستان ده پاکستان طالبلر تحریکی کوچه‌یشیدن خواطرده دیر، بوتوغریده پاکستان اقدام قیلمسدن آلدین اسلام امیرلیگی اقدام قیلیشی کیره‌ک.»
باشقه تاماندن، سیاسی فعال زلمی افغان‌یار گه کوره، پاکستان افغاستان ایچکی ایشلری گه اره‌لشیش اوچون دایم بهانه قیدیرده. «بوتون دنیا گه معلوم که تروریزم قرارگاهی پاکستان ده دیر و پاکستان ییل‌لردن بویان افغانستان ده اوز منفعتینی ایزلب کیلماقده، برچه ترورچی گروه‌لر اوشبو مملکت تامانیدن باشقریله‌دی.»
اسلام امیرلیگی گه یقین سیاسی سیمالردن سیدذکرالله هاشمی گه کوره، افغانستان گه پاکستان نینگ هجومی، احمق‌لیک دیر.
بیزلرنینگ توییترده هم تعقیب قیلینگ!
اونینگ ایتیشیچه: «پاکستان نینگ حاضرگی حکومتی امریکا و پاکستان ارتشی نینگ کیلیشووی اساسیده شکللنگن. غرب دولت‌لری دنیا بورچک‌لریده اوز منفعت‌لری گه قول تاپیش اوچون بو ایکی مملکت توقنه‌شیشلرینی ایسته‌یدی.»
سونگی آی‌لرده پاکستان طالبلر تحریکی، اوشبو مملکت دولتی بیلن آتش کیسین‌نی بیکار قیلیب و پاکستان نینگ تورلی ایالت‌لریده دولت گه قرشی هجوم‌لرینی باشله‌گن.