کابل ده کوچه ایشچیلریدن بیرقطاری نینگ ایتیشلریچه، ایش‌سیزلیک، ییگولیک و یاقیلغی ماده‌لر نرخی قیمت‌لیگی، اولرنی قیینچیلیککه دوچ قیلگن.
کابل یشاوچیلریدن نادر، قولیده‌گی غلتکی بیلن، ایرتن دن آخشم‌گچه کیچه‌لیک آوقاتینی تاپیش اوچون شهر سرک‌لرینی کیزه‌دی. توقیز کیشی‌لیک عایله اعضالری نینگ آوقاتینی تأمینلش اوچون، هر کونی ۱۰۰ و ۲۰۰ افغانی تاپیش، نادر نینگ یگانه غایه‌سی دیر.
لیکن او بعضی کون‌لر حتا نیچه دانه نان پولینی تاپه آلمه‌یدی.
باشقه‌‍لرنینگ یوکینی مقصدی گچه ییتکیزیب و بیر مقدار پول تاپیش اوچون، ناراض سیما بیلن کوتیب تورگن نادر نینگ سلام‌وطندار گه ایتیشیچه: «ایرتن وقت اوی دن چیقه‌من، توش گچه ۱۰۰ افغانی ایشله‌سم توش آوقاتی اوچون اوی گه نان آلیب باره‌من و توش دن کیین هم ۵۰ افغانی تاپیش اوچون کیله‌من، بعضی کونلری ۵۰ یا ۱۰۰ افغانی هم ایشله‌ی آلمه‌ی من و قرض آلیش گه مجبور بوله‌من.»
بیزلرنینگ فیسبوک صحیفه‌میزگه باش اورینگ!
نادر دن اوزاق‌راق، ۱۴ یاشر نذیر، سرک‌لر نینگ اریغ‌لری ایچیدن تیمیر پارچه‌سینی تاپیب و ساتیش اوچون قیدیرماقده دیر.
نذیر نینگ ایتیشیچه، عایله اعضالری نینگ کیچه آوقاتینی تیارلش اونینگ مسئولیتی دیر. اونگه کوره: «کیچه ساعت ۸:۰۰ گچه بیران نرسه تاپیب و اوی گه نان آلیب باریش مقصدیده ایشله‌ی من، تاپیلسه یخشی بولمسه عایلم مینی کوتیب توره‌دی و آچ قالیشه‌دی.»
شونینگدیک، سمنگان دن ایش قیدیریب کابل گه کیلگن محب‌الله، اقتصادی قیینچیلیک و ایش‌سیزلیک دن نالیب ایتیشیچه: «حاضر نان تاپیش قیین بولگن، ایش قیدیریب کابل گه کیلگنیمدن اوچ آی اوتماقده، آلدین هر آی ۵ مینگ و ۸ مینگ افغانی ایشلر ایدیم، بیراق اوشبو آی حتا ایکی مینگ افغانی ایشله‌ی آلمه‌دیم.»
عین‌حالده، بیرلشگن ملت‌لر تشکیلاتی نینگ آزیق_آوقات و ایکینچیلیک اداره‌سی، آسیا اولکه‌لریده آزیق_آوقات خوفسیزلیگی باره‌سیده ترقه‌تگن گزارشی ده، آسیا ده آزیق_آوقات خوفسیزلیگی بیلن روپه‌ره بولگن ۱۰ کیشی دن سکیز نفری، آسیا جنوبی اولکه‌لری نینگ یشاوچیلری دیر.
اوشبو گزارش گه بناً، اسلام امیرلیگی قدرت نی آلیشیدن کیین افغانستان ده اقتصادی قیینچیلیک و آچرچیلیک کوپه‌یگن و حاضر مذکور مملکت نینگ ۷۰ فایز فقرالری آزیق_آوقات خوفسیزلیگی بیلن روپه‌ره دیر.
بیزلرنینگ توییترده هم تعقیب قیلینگ!
گرچند اقتصاد وزیرلیگی، آزیق_آوقات خوفسیزلیگی بیلن دوچ عایله‌لر رقمینی بیللی قیلمسه ده، بیراق افغانستان ده سان‌لری کوپه‌یشینی قبول قیله‌دی.
اقتصادی وزیرلیگی سوزلاوچیسی عبدالرحمان حبیب گه کوره: «تأسف بیلن قورغاقچیلیک، مالی و بانکی چیکلاولر و مملکت پولی توسیلیشی، اولکه بویلب ایش‌سیزلیک و قشاق‌لر سانی کوپه‌یب، آزیق_آوقات و یاقیلغی ماده‌لر قیمت بولیشی گه سبب بولگن.»
اسلام امیرلیگی قدرت نی قولگه آلیشیدن کیین، افغانستان ده کوپ سانده ترقیاتی پروژه‌لر توخته‌تیلگن و قشاق‌لر سانی، مثل‌سیز درجه ده آشگن.
