تخار ولایتی ینگی‌قلعه تومنیده بیر عایله، سلام‌وطندار گه یوللـه‌گن عکس‌لری بیلن ایتیشیچه، مذکور عایله نینگ ۱۵ یاشر بیر فرزندی بیر ییل دن بویان ایران نینگ فارس ولایتیده چوپان‌لیک قیلیب کیلماقده ایدی، شفقت‌سیز روشده اولدیریلگن.
«رامین» اسملی مذکور ییگیت نینگ عایله اعضالری گه کوره، او یک‌شنبه کیچه، ۷ جوزا، ایران نینگ فارس ولایتی «مرودشت» منطقه‌سیده ناتانیش کیشی‌لر تامانیدن اولدیریلگن.
رامین بیر ییل آلدین، اقتصادی قیینچلیک و عایله اعضالری گه یاردم بیریش اوچون ایران گه سفر قیلگن ایدی.
رامین نینگ آنه‌سی «شمس‌النسا» نینگ سلام‌وطندار گه ایتیشیچه: «ییگولیک اوچون هیچ نرسه‌میز یوق و باشقه‌لر نینگ اویی ده کییم_کیچک یوویب و نان پیشیرهمن.»
بیزلرنینگ فیسبوک صحیفه‌میزگه باش اورینگ!
او اسلام امیرلیگی دن رامین نینگ اولدیریش سببینی انیقلب و ایران ده افغانستان‌لیک مهاجرلر نینگ حقوقی ایاغ آستی بولیش گه ایزین بیرمسلیکلرینی طلب قیله‌دی.
سلام‌وطندار گه یوباریلگن عکس‌لر گه قره‌گنده، رامین نینگ تنه‌سی و باشی ده قییناق‌لش نشانه‌لری کوریله‌دی.
رامین نینگ عایله اعضالریدن بولمیش کریمه گه کوره، رامین اولدیریلیشیدن آلدین، نیچه مراتبه ایناغه‌لری گه تیلیفون قیلیب و ایش بویروچیسی نینگ اوغلی اونی عذاب بیریشینی ایتگندی؛ لیکن رامین نینگ ایناغه‌لری بو مسئله‌نی جدی آلیشمه‌گن ایدیلر.
رامین نینگ بوله‌سی یحیا، او نینگ ایران ده‌گی ایکی ایناغه‌سیدن نقل قیلیب ایتیشیچه، قاتل‌لر رامین نینگ اولدیریش دن کیین، واقعه محلینی پاکلب و او نینگ کییم‌لرینی المشتیرگنلر.
اونگه کوره، رامین نینگ ایش بویروچیسی او نینگ جسدینی کسلخانه گه آلیب باریب و شفاکارلر تیکشیریش دن کیین، او نینگ اولیم سببینی مغزی خسته‌لیک عنوان قیلگنلر.
بوتوغریده اسلام امیرلیگی قاچقینچیلر وزیرلیگی نینگ فکر_ملاحظه‌سینی اورگه‌نیشنی ایسته‌دیک؛ لیکن خبرنی یازگونچه، مذکور وزیرلیک سلام‌وطندار نینگ سوال‌لری گه جواب قیتیرمه‌گن.
بیزلرنینگ توییترده هم تعقیب قیلینگ!
هر ییلی افغانستان فقرالریدن قطاری، اقتصادی قیینچیلیک و عایله اعضالری نینگ ییگولیک ماده‌لرینی تأمینلش مقصدیده، چیت ایل مقصدی گه مملکت نی ترک ایتیشه‌دی.
حاضرگی کونده چمه‌سی اوچ میلیون افغانستان‌لیک ایران ده حیات کیچیریب کیلماقده، اکثریتی قاچاق روشده اوشبو مملکت گه بارگن و هیچ قانونی مدرک‌لری یوق دیر.
یشش اوچون قانونی مدرک‌سیزلیک و افغانستان مهاجرلری نینگ انسانی حقوقی گه دایر ایران دولتی نینگ بی‌فرق‌لیگی، اوشبو مملکت ده افغانستان مهاجرلر تورلی خیل قیینچیلیک‌لر بیلن روپه‌ره بولیشی گه سبب بولگن.