غزنی ده‌گی ییگیت‌لردن قطاری نینگ ایتیشلریچه، عایله‌لر آره‌سیده ناتوغری عنعنه‌لر و قلین نینگ یوقاریلیگی سبب، کوپینچه وقت‌دن بیری نامزد قالیب و توی مراسم‌لرینی اوتکزه آلمه‌یدیلر.
بیر ییل آلدین نامزد بولگن غزنی شهری یشاوچیسی عزیز‌الله نینگ ایتیشیچه، اقتصادی قیین‌چیلیکلر و قلین نینگ یوقاریلیگی سبب، حاضرگچه توی مراسمینی اوتکزه آلمه‌گن. اونینگ کوپه‌یتیریشیچه: «قرض آلمسدن توی قیلیش امکان‌سیز دیر، نامزدیم نینگ عایله‌سی قلین نی ۳۰۰ مینگ افغانی‌دن آرتیق تعیین قیلگنلر و حاضرگچه بو مقدار پول نی تیار قیله آلمه‌گن‌مین.»
بیزلرنینگ «ایکس» ترماغی ده هم تعقیب قیلینگ!
عزیز‌الله نینگ کوپه‌یتیریشیچه، عایله‌لر اورته‌سیده ناتوغری عنعنه‌لر نینگ رواجلنگنی سبب، ییگیت‌لردن کوپ قطاری توی خره‌جتلرینی تامین‌لش اوچون ایستمه‌ی مهاجرت قیلیش گه مجبورلر.
غزنی یشاوچیلریدن باشقه بیری ستایش نینگ ایتیشیچه، ایکی ییل آلدین نامزد بولگن و عایله‌سی تامانیدن کوپینچه قلین تعیین‌لنگنی سبب، حاضرگچه قوشمه حیاتی گه باشله آلمه‌گن. «سینگیلیم‌دن کوره سوادیم آز دیر، عایله‌م آز قلین آزماقچین ایدیلر؛ بیراق بو موضوع مینی تورموش اورتاغیم عایله‌سی یانیده ارزش‌سیزلیگیم گه سبب بولیشی اوچون خواطرده ایدیم و عایله‌مدن کوپینچه قلین آلیشلرینی ایسته‌دیم.»
مذکور ییگیتلر نینگ کوپه‌یتیریشلریچه، ناتوغری عنعنه‌لر و عایله‌لر نینگ یوقاری ایسته‌کلری، توی قیلیش برابریده‌گی اینگ اونملی توسیق‌لیکلردن دیر.
غزنی ده جمعیت‌شناسلردن قطاری نینگ ایتیشلریچه، عایله‌لر تامانیدن یوقاری قلین تعیین‌لنیشی، ییگیتلر آره‌سیده توی قیلیش یاش نینگ بلند کیتیشی، ناتوغری عنعنه‌لر کوپه‌یشی، کمبغل‌لیک سطحی یوقاری کیتیشی و توی قیلیش‌دن کیین‌گی قوشمه حیات خصوصیده هم سلبی تاثیر قوییشی گه سبب بوله‌دی.
غزنی ده جمعیت‌شناسلردن عنایت‌الله عرفان نینگ ایتیشیچه، عایله‌لر آگاهی‌لیک سطحی نینگ یوقاری کیتیشی و توپلم توی مراسم‌لر نینگ رواجلنیشی، توی قیلیش خصوصیده‌گی ناتوغری عنعنه‌لر نینگ اورته‌دن کیتیشی گه یاردم بیره آله‌دی. اونینگ کوپه‌یتیریشیچه: «توی قیلیش یاشی نینگ بلند کیتیشی، عایله‌وی زوره‌وانلیک و طلاق آلیش، توی قیلیش نینگ آغیر صرف-خره‌جتلری خصوصیده‌گی سلبی عاقبتلریدن دیر و عایله‌لر فرزند‌لری نینگ خوش‌بختلیگی اوچون کوپینچه قلین تعیین‌لش و ناتوغری عنعنه‌لردن اوزاق بولیشلری کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک دین عالم‌لردن بشیر آصف نینگ ایتیشیچه: «اسلام ده بو عنعنه‌لردن هیچ بیری بولمه‌گنی بیرحالده، افغانستان اهالی‌سی قشاق‌لیک و اقتصادی قیین‌چیلیک سبب، توی خره‌جتینی تامین‌لش اوچون قرض آلیش یا-ده مهاجرت قیلیش گه مجبورلر.»
سونگی ییل‌لر ایش‌سیزلیک میزانی کوپه‌یگنی، عایله‌لر آره‌سیده قلین و توی خره‌جتی نینگ یوقاریلیگی سبب، کابل و بیر قطار ولایت‌لرده خیرخواه نهادلردن قطاری ناتوغری عنعنه‌لر اورته‌دن کیتیشی مقصد یوزلب ییگیت نینگ توی مراسمی نی توپلم شکلده یولگه قوییگنی بیرحالده، غزنی ده ییگیتلر توی مراسملری نینگ یولگه قویه آلمسلیکلرینی ایته‌دیلر.