خوست یشاوچیلریدن قطاری، اوشبو ولایت‌ده تاریخی اثرلر وضعیتی‌دن خواطر بیلدیریب و ایتیش‌لریچه، مذکور ولایت معلومات و مدنیت ریاستی نینگ بیر اتاقی‌ده ۵۰۰ تاریخی و فرهنگی اثر سقلنه‌دی که، نابود بولیش خوفی آستیده قرار تاپگن.
خوست یشاوچیسی و فرهنگی فعال نورشاه نینگ ایتیشیچه: «اثرلر ییری مناسب ایمس. اوشبو اثرلر اوچون الماری توزه‌تیلیشی بیلن بویوک و مناسب بیر ییر لازم.»
بیزلرنینگ فیسبوک صحیفه‌میزگه باش اورینگ!
خوست یشاوچیلریدن باشقه بیری رحمان، مسئوللردن مذکور ولایت‌ده موجود بولگن تاریخی اثرلر گه توجه قیلیش و اولر نینگ سقله‌نیشی اوچون ستندرد بیر بنا توزه‌تیلیشی نی ایسته‌گن.
قولده یازیلگن قرآن‌کریم نسخه‌لری، تورلی‌خیل هیکل‌لر، دایناسورلر گه تیگیشلی بولگنی گه گمان بولگن بیش کیلو‌لیک بیر تیش و بیر قطار باشقه نرسه‌لر، خوست معلومات و مدنیت ریاستی اتاق‌لریدن بیریده سقلنه‌دیگن اثرلردن دیر.
خوست موزیمی عمومی مدیری محمد‌ولی خان نینگ سلام‌وطندار گه ایتیشیچه، اوشبو ولایت نینگ تاریخی اثرلریدن قطاری، مینگ ییل‌دن آرتیق تاریخ گه ایگه دیر. اونینگ کوپه‌یتیریشیچه: «بیزده بیر قنچه هیکل‌لر و باشقه تاریخی اثرلر موجود که، اولردن بعضی‌لری کم تاریخ و بعضی‌لری ایسه کوپ تاریخ گه ایگه دیر. هیکل‌لردن قطاری مینگ‌لب ییل و بیر قطاری ایسه یوز‌لب ییل تاریخ گه ایگه دیر.»
شونده‌ی بیرحالده، خوست معلومات و مدنیت ریاست رئیسی شبیر‌احمد عثمانی نینگ ایشانچ بیریشیچه، موزیم بناسی نینگ طرحی معلومات و مدنیت وزیرلیگی گه یوباریلگن و تصدیق بولگنی‌دن کیین ستندرد بنا‌لر نینگ توزه‌تیلشیی ممکن. اونینگ کوپه‌یتیریشیچه: «موزیم توزه‌تیلشی نینگ نقشه‌سی، اوشبو طراحی‌دن آلدین برچه ایشی یکونلنگن. معلومات و مدنیت وزیری اورین‌باسری، نیچه مدت آلدین کیلیب و بو ییرده موزیم گه بنا توزه‌تیلیشی نی ایتگن ایدی.»
بیزلرنینگ فیسبوک صحیفه‌میزگه باش اورینگ!
خوست یشاوچیلری نینگ، موزیم توزه‌تیلیش ایسته‌گی یانیده، معلومات و مدنیت وزیرلیگی‌دن اوشبو ولایت نینگ فرهنگی و تاریخی ییرلری نینگ قیته توزه‌تیلیشی نی ایسته‌گنلر.
