سمنگان ده باغ‌دارلردن قطاری نینگ ایتیشلریچه، اوتگن ییل قیش موسومی‌ده قتیق ساووق، طبیعی آفتلر و باغ‌لر گه دقت قیلینمسلیک سبب، اوشبو ولایتده میوه حاصلی کمه‌یگن.
سمنگان ده باغ‌دارلردن بیری قیام نینگ ایتیشیچه، بو ییل مذکور ولایتده اقتصادی قیین‌چیلیک‌لر سبب، باغ‌لری گه درست شکلده دقت قیله آلمه‌گنلر. اونگه کوره، سمنگان ایکینچیلیک، سووغاریش و چاروه‌چیلیک ریاستی، بو توغریده هیچ قنده‌ی همکارلیک قیلمه‌گن.
بیزلرنینگ توییترده هم تعقیب قیلینگ!
قیام نینگ کوپه‌یتیریشیچه: «قهرتان قیش کیلدی و دهقان‌لرده هیچ نرسه یوق ایدی. مصرفی کوپ دیر، بیراق حاصلی نی ارزان ساته‌میز. ایکینچیلیک ریاستی گه اون مرته باردیک، نیچه دفتر‌دن مکتوب بیردیلر؛ لیکن هیچ کیم تامانیدن حاضرگچه یاردم بیریلمه‌گن.»
سمنگان ده باغ‌دارلردن باشقه بیری احمد‌شاه نینگ ایتیشیچه، ایکی ییل‌دن بویان، مذکور ولایت ایکینچیلیک ریاستی نینگ توجه‌سیزلیگی و باغ‌دارلیک خصوصیده همکار نهاد‌لر یاردمی نینگ کمه‌یگنی سبب، باغ‌دارلر قیین‌چیلیک‌لر بیلن روپه‌ره‌لر.
اونینگ کوپه‌یتیریشیچه: «اوتگن ییل‌لر دفترلر کوپ ایدی و یاردم و راهنمالیک قیله‌ر ایدیلر. حاضر ایسه اولر یوق. باغ‌دارلر گه هیچ قنده‌ی یاردم بیریلمه‌یدی و کوپ توجه هم یوق. باغ‌دارلر و دهقان‌لر گه یاردم و راهنمالیک بولیشی کیره‌ک.»
سمنگان ده ایکینچیلیک ایشلری بوییچه ایش بیلرمان محمد نینگ ایتیشیچه، باغ‌دارلیک نینگ رواجلنیشی و میوه حاصلاتی نینگ یخشی قولگه کیلیشی مقصد، «باغ‌لر نینگ نقشه‌لری چیزیلیشی، کوچت ایکیلیشی، سووغاریش سیستمی، آفتلر نینگ کنترول ایتیلیشی» بولیم‌لریده، اوشبو ولایتده ایکینچیلر و باغ‌دارلر گه مسلکی تعلیم‌لر نینگ ارایه قیلگنلر.
سمنگان ده میوه سوداگرلریدن قطاری نینگ ایتیشلریچه، مذکور ولایتده باغ‌دارلر میوه صندیغلریدن قریب یریمی نی خراب میوه بیلن تولدیره‌دیلر که، اونینگ ساتیلمه‌سلیگی سبب، زیان کوره‌دیلر.
عین حالده، سمنگان ایکینچیلیک، سووغاریش و چاروه‌چیلیک ریاستی نینگ ایکینچیلیک آمری عبدالخلیل کریمی نینگ ایتیشیچه، هر ییل باغ‌لردن محافظت قیلیش و اقلیم اوزگریش‌لر عاقبتیده زیان‌لر نینگ آلدینی آلیش مقصد، اوشبو ولایت‌ده‌گی باغ‌دارلر و ایکینچیلر بیلن، هماهنگ‌لیک و همکارلیک قیلگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو ییل میوه گل‌لری آزاد هوا‌ده قالدی و هوا نینگ بیردن ساووق بولیشی بیلن اولر نی ساووق اوردی. بادام و اوزوم ایکی مشهور میوه‌لردن دیر که، قریب ۶۰-۷۰ فایز کمه‌یگن.»
جاری ییل‌ده اقلیم اوزگریشلری، میوه‌لر نینگ سقلنیشی اوچون ستندرد ساووق‌خانه‌لر یوقلیگی و محصول‌لر نینگ ساتیلمه‌سلیگی، تورلی ولایت‌لرده میوه حاصلاتی کمه‌یشی و باغ‌دارلر نینگ زیان کوریشی گه سبب بولگن.